Zelenski, sare sozialen konkistarantz Mendebaldearen babesaren bila
Volodimir Zelenski Ukrainako presidentea sare sozialak erabiltzen ari da herritarrekin eta Mendebaldearekin komunikatzeko, batez ere Errusiaren inbasioaren ostean. Berak grabatutako bideoen bitartez, baita telebistaren aurrean ere, Ukrainako buruzagiak Mendebaldeko iritzi publikoaren enpatia bilatzen du, ikuspuntu pertsonala aurkeztuz eta erresistentzia irudia proiektatuz.
Otsailaren 24an, Vladimir Putin Errusiako presidenteak Ukrainan sartzeko operazio militarra iragarri baino lehen, Zelenskik bideo bat argitaratu zuen, goizaldean. Putinekin hitz egin zuela eta inbasioa hastear zegoela esan zuen.
Otsailaren 25ean, argitaratutako zalantzen aurrean, Zelenskik Kieven zegoela erakutsi zuen, bere Gobernuarekin batera grabatutako bideo batean. "Hemen gaude. Kieven gaude. Ukraina defendatzen ari gara", idatzi zuen.
Gauza bera egin zuen biharamunean, Ukrainako hiriburuko presidentearen jauregiaren aurrean, mezu batekin: "Ez sinetsi faltsifikazioak".
Otsailaren 28an, selfie-ak albo batean utzi eta irudi solemneago bat hautatu zuen Europar Batasunean sartzeko eskaera ofiziala sinatzeko, gatazka armatuaren erdian.
Martxoaren 1ean, komunikazioan duen abilezia erakutsi zuen berriro, oraingoan Europar Parlamentuan egindako bideokonferentzia batean. Europar Batasuneko herritarren ordezkarien aurrean hitz egin zuen, sinbolismoz betetako hitzaldi batean.
Hurrengo egunean, Reutersi emandako elkarrizketa batean, beste behin berde militarrez jantzita, ikuspegi gizatiar bat erakutsi zuen, lurrean eserita. Elkarrizketa familiaren inguruan hitz egiteko aprobetxatu zuen, eta hura bukatzean, bere Gobernuko ordezkari batek Errusiako Armadaren bonbardaketa baten berri eman zion. Ingelesez egin zuen, Mendebaldeko agentzia baten kameren aurrean.
Martxoaren 6an, ingelesezko azpitituluekin argitaratutako bideo batean, berriro eman zuen NATOri egindako eskariaren berri: Ukrainako aire espazioa ixteko. Aliantza atlantikoak behin baino gehiagotan errefusatu du, Errusiarekin gerran sartzea esan nahiko bailuke.
Bere azken mezua orain arte beste selfie bat izan da, oraingoan presidentearen bulego barrutik. Modu horretan, Moskuren "zinismoari" erantzun dio eta "Kieven jarraitzen duela" erakusi du.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".