Atzera begira
Esan ohi da, arazoak konpontzeko, zailtasunei aurre egiteko, jorratu beharreko bidea zehaztea edo hartu beharreko erabakiak finkatzea baino garrantzitsuagoa galdera zuzenak egitea dela. Horretarako, berriz, ondo berezi behar dugu uste duguna, nahiko genukeena eta benetan gertatzen ari denaren artean. Eta badirudi Ukrainako gatazka deitu dugun honetan ez garela hori egiten ari, Mendebaldeak ez dizkiola bere buruari egin beharreko galdera egokiak egin.
Historian atzera eginez gero, beti aurkituko ditugu gure helburu eta aldarrikapenak zilegi bihurtuko dituzten arrazoiak. Putinek urteak egin ditu Historian atzera, orain hartu dituen erabakien zilegitasunaren oinarriak iragan horretan finkatzen dituela jakin dezagun. Badira, berriz, Historiak gizakien borondatearen aurrean baliorik ez duela uste dutenak. Ukrainako gatazka honetan, hariren bi muturrak erakusten digute adostasuna gaur egun ez dela posible.
Errusiak arrazoia du Sobiet Batasuna erori ondoren egindako munduaren antolaketatik kanpo utzi zutela salatzean. Napoleonen gerrak galdu ondoren Frantzia kontutan hartu zuten irabazleek etorkizuna antolatzeko; Bigarren Mundu Gerraren galtzaileek, Alemaniak eta Japoniak, tokia izan zuten gerra ondorengoa antolatu zuen mahaian. Errusia ez zuten aintzakotzat hartu Gerra Hotzaren irabazleek. Orain, orduan azaldu ez zioten errespetoa aldarrikatzen ari da, besteak beste.
Baina Errusia urte horietara aztarna bila itzuliko balitz, 1994an, Estatu Batuak, Ukraina eta Erresuma Batuarekin batera sinatu zuen hitzarmena izan beharko luke kontutan. Budapesteko Memorandumean, Ukrainak Sobiet Batasunaren zatiketan geratu zitzaizkion arma nuklearrak Errusiaren kontrolpean utzi zituen. Horren truke, hitzarmenaren sinatzaileek Ukrainaren lurraldetasuna eta subiranotasuna errespetatzeko konpromisua onartu eta paper batean idatzi zuten. Putinek orduko gobernu errusiarrak hartutako konpromisuak urratu ditu, eta hausturak larritasun berezia du kasu honetan, Putinek jakin badakielako ez litzatekeela Ukrainari eraso egiten ausartuko Kieveko agintariek arma nuklearrak balituzte.
Guzti hori hala izanik, Mendebaldeak beste hausnarketa batzuk egin beharko lituzke bere portaeraz eta egin dituen oker nabarmenez. Lehendabizi, Errusia mespretxatuz eta Historia ahaztuz. Gero, Putinek adierazitakoak gutxietsiz eta izan zezaketen eragina kontutan hartu gabe. Errusiak, ziur aski, Putinek nahiko zukeena baino indar gutxiago du, eta eragozpen handiak izango lituzke eskatzen duen potentzia eginkizuna betetzeko. Baina mundua hankaz gora jarri eta Mendebaldea beldurtzeko adina sasoi erakutsi digu.
Orain jakin beharko genuke zein ardura eta konpromiso hartzeko prest gauden gerra galdu aurretik ia edozer gauza egingo duela dirudien presidentearen aurrean.
Zure interesekoa izan daiteke
Kanpalekuetan bizirauten ari dira astindutik bizirik irtendako venezuelarrak
Askok etxea galdu dute eta beste batzuek kalteak dituzte, ez dakite itzultzerik izango duten. Laguntza humanitarioa behintzat iristen ari da Hego Amerikako herrialdera.
ETBk Iranera sartzea lortu du, Ali Khamenei buruzagiaren hileta bertatik bertara kontatzeko
Milaka herritar ari dira ayatola gorenaren agur ekitaldietan parte hartzen. Mendeku eskean batzuk; negar malkotan, besteak. Ekitaldiak aste betez luzatuko dira, eta erregimenak indar eta batasun irudia eman nahi du.
Aita santuak omenaldia egin die hildako migratzaileei Lampedusan, eta Frantziskoren ondarea omentzea eskertu du
Leon XIV .a aita santuak larunbat honetan Italiako Lampedusa uhartera egindako bisitan esan duenez, Mediterraneo itsasoan izandako milaka hildakoak "hartutako erabakien" eta "ahaztutako erabakien" biktima dira, eta migrazio dramaren aurrean axolagabekeria salatu zuen.
Ehunka mila pertsona parte hartzen ari dira Khameneiren hileta publikoan
Asteburu osoan milioika pertsona espero dira, eta astelehenean Irango hiriburua zeharkatuko du segizioak; asteartean Qom hiri santura joango da, eta asteazkenean Iraken jarraituko du, ostegunean lurperatu aurretik.
AEBk inoiz izan duen hedapen handiena duela goraipatu du Trumpek Independentziaren Egunean
AEBren nagusitasun militarra aldarrikatu du Trumpek, baita XX. mendeko gatazka handietan izan duen paper historikoa ere: "Armadarik indartsuena eta boteretsuena sortu dugu".
Teheranen gaur zabaldu dute Ali Khameiren hil kapera
Ali Khameneiren hileta-kaperan, gerraren lehen egunean hil zuten aiatola gorenari azken agurra eman diote Teheranen. Khameneiren hilkutxa erdian eta inguruan beste lau jarri dituzte, erasoaren egunean berarekin zeuden senideen hileta-kutxak. Bihar eta etzi herritarrak sartu ahal izango dira hilkutxa dagoen meskitara, eta astelehenean, Teherango kaleak zeharkatuko ditu.
Donald Trump eta bere azoka handia, protagonista nagusiak AEBen 250. urtebetetzean
Estatu Batuen Independentziaren Adierazpenaren 250. urteurrena ospatuko dute larunbatean, uztailaren 4an. Eta Donald Trumpek bere irudia goresteko erabiliko du urteurrena. Buruzagi errepublikanoak bere aurpegia daramaten oroitzapenezko txanponak egin ditu, eta National Mallen azoka handi bat antolatu du. Ekimenak noria erraldoi bat, garaipen-arku bat, rodeoak, hitzaldiak, su artifizialak eta hegazkin militarren erakustaldiak izango ditu. Azokak, hala ere, porrot egin du orain arte. Oso jende gutxi bertaratzen ari da, eta horrek indartu egin ditu kritikak. Salatzen dutenez, Trumpek ospakizun nazionala baliatu du bere irudia indartzeko.
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.