Trumpen gerra botereak mugatzeko eta Irandik tropak erretiratzeko ebazpen bat onartu du AEBko Senatuak
Zazpi saiakeraren ostean, AEBko Senatuak ebazpena onartu du: lau errepublikanok lerroak hautsi eta botoa aldatu dute, eta hiruk bozkatzeari uko egin diote. Hala ere, eta Ordezkarien Ganberako bozketan aurrera egingo balu ere, Trumpek betoa jartzea aurreikusten da.
Chuck Schumer, Senatuan egindako agerraldi batean. Europa Pressen artxiboko argazkia.
AEBko Senatuak Donald Trump presidentearen gerra botereak mugatzeko eta tropa estatubatuarrak Iranen aurkako gerratik erretiratzeko ebazpen bat onartu du astearte honetan, aldeko 50 botorekin eta kontrako 47 botorekin.
Zazpitan huts egin ostean, Senatuak Iranekin lotutako gerra botereei buruzko ebazpen bat onartu duen lehen aldia izan da, eta lortu bada, hori izan da lau senatari errepublikanok alderdiak agindutako botoa aldatu eta oposizioko alderdiarekin batera bozkatu dutelako, eta beste hiru senatari errepublikano abstenitu egin direlako bozketan. Hala, Iranekin lotutako gerra botereei buruzko ebazpenak aurkezten hasi zirenetik lehen aldiz demokraten aldera egin du balantzak.
"Botoz boto, demokratak Trumpen legez kanpoko gerrari buruzko isiltasun errepublikanoaren harresia apurtzen ari dira", nabarmendu du Chuck Schumer Senatuko gutxiengoaren liderrak, CBS kateak neurriak aurrera egin ostean jasotako adierazpenetan. "Gaur agerian geratu da gure presioa fruituak ematen ari dela: errepublikanoak amore ematen ari dira, eta (Trump) geldiarazteko bultzada indartzen ari da", gaineratu du.
Virginiako Tim Kaine senatari demokratak bultzatutako ebazpenak "AEBko Indar Armatuak Iran barruko zein Iranen aurkako liskarretatik kentzeko" aginduko lioke presidenteari, "gerra deklaratu edo indar militarra erabiltzeko baimen espezifikoz esplizituki baimendu ezean".
Senatuko bozketa lehen pausoa baino ez da. Orain Ordezkarien Ganberara pasako da, eta, han aurrera egingo balu ere, aurreikustekoa da Trumpek betoa jarriko diola ebazpenari.
Zure interesekoa izan daiteke
NATOren goi-bileraren ostean Espainia "oso eskuzabal" aritu dela esan du Trumpek
Estatu Batuetako presidenteak ziurtatu duenez, Espainiako Gobernuak Aliantza Atlantikoaren "ordainketa ugari" egiteko eskaerari erantzun dio, eta aliatuek Ankaran egindako bileraren ostean erakutsitako batasuna goraipatu du.
AEBek 90 helburu militar inguru bonbardatu dituzte Iranen, eta Teheranek base estatubatuarrei eraso egin die
Washingtonek Iranen aurkako beste erasoaldi militar baten berri eman du, esan dutenez, Teheranek Ormuzeko itsasartean merkataritza-ontzien aurka egindako erasoei erantzuteko. Iranek dio operazioak su-eten iraunkorra urratu duela.
Koro Barriolaren gorpua aurkitu dute Venezuelan, hondakinen artean hildako hirugarren euskalduna
81 urte zituen eta donostiarra zen; Alazne Solabarrieta eta Jon Sustacharen gorpuak aurkitu zituzten aurretik.
"Espainiarekin alferrik da": Trumpek merkataritza guztia eteteko mehatxua egin du
AEBko presidenteak merkataritza-trukeak hausteko asmoa agertu du Espainiak gastu militarra igotzeari uko egin ondotik; Espainiako Gobernuak, berriz, "lasaitasunez eta normaltasunez" hartu du mehatxua.
Trumpek amaitutzat eman du Iranekin adostutako su-etena eta dio ez duela gehiago negoziatu nahi
Donald Trump AEBko presidenteak Ankaran adierazi duenez, Iranekin adostutako su-eten akordioa "amaitu da", eta baztertu egin du negoziazioekin jarraitzea, herrialdea "gaixo, gaizto eta bortitzek zuzentzen" dutela iritzita.
AEBren erasoei "erantzun irmoa" emango diela mehatxatu du Iranek, eta Bahrainek eta Kuwaitek alarmak piztu dituzte
Irango agintariek salatu dutenez, AEBko bonbardaketek hautsi egin dute ekainean lortutako su-eten akordioa, eta Ameriketako Estatu Batuek diote Ormuzeko itsasartean ontzi komertzialen aurka egindako erasoei erantzun zietela.
Marine Le Pen hauteskundeetara aurkeztuko da, Justiziak zigorra murriztu ostean
Iazko martxoan, kargu publikoan aritzeko bost urteko inhabilitazioa eta lau urteko espetxe zigorra ezarri zioten politikari ultraeskuindarrari, diru publikoa bidegabe erabiltzeagatik. Orain, zigor hori hiru urteko espetxe zigorrera eta 15 hilabeteko inhabilitaziora murriztuta geratu da eta ultraeskuineko liderrak iragarri du hauteskundeetan lehian arituko dela.
Politikaren itzala futbolean: Mussolini, Trump eta beste zenbait adibide
Balogunen indultuak mundu mailako oihartzuna izan du; Munduko Kopetan antzeko kasu gehiago izan dira.
Macronek Damaskora egiten ari den bidaiaren agendari eutsiko dio, bere hotelaren ondoan leherketa batzuk izan arren
Bi leherketa gogor izan dira astearte honetan Damaskon, Emmanuel Macron Frantziako presidenteak Siriako hiriburura egindako bisitarekin bat eginez. Agintarien esanetan, badira guxtienez 18 zauritu.
NATO osatzen duten herrialdeetako buruzagiak bilduko dira Ankaran, defentsa gastua eta Ukraina hizpide hartuta
Trump eta aliatu europarren arteko tentsio betean egingo da NATOren goi bilera, presidente estatubatuarrak defentsan gastu nahikorik ez egitea leporatzen baitie. Iazko goi bileran 2035erako defentsa gastua Barne Produktu Gordinaren % 5era handitzea adostu zuten.