Europar Batasunak "nabarmen" handituko du gastu militarra, eta Moskuren aurkako zigor gehiago adostu ditu
Europar Batasuneko estatuburuek eta gobernuburuek iragarri dute gastu militarra "nabarmen" handitzea adostu dutela, Errusiak Ukrainari eraso egin eta gero sortutako segurtasun kezka berrietara moldatzeko.
Versaillesen (Frantzian) egindako goi-bilera informal batean, Hogeita zazpiek konpromisoa berretsi dute "Defentsa baliabideetan gehiago eta hobeto inbertitzeko".
Horren ildotik, Ursula von der Leyen Europako Batzordeko presidenteak eskerrak eman dizkie defentsa gastua handitzea proposatu duten herrialdeei, "eta beste batzuk" bide beretik ibiltzea espero duela gaineratu du.
Charles Michel Europako Kontseiluko presidenteak adierazi du Ukrainako inbasioak "errotu" egin duela "euroar defentsaren jaiotza". Dena dela, ohartarazi du oraindik beharrezkoa dela inbertsio sektoreak identifikatzea.
Europako agintariak berriz bilduko dira zehazki segurtasuna eta defentsa hizpide. Oraindik ez dute dataik adostu, baina baliteke maiatzean izatea, ekainean NATOk Madrilen egingo duen bilera baino lehenago.
Bestalde, Pedro Sanchez Espainiako Gobernuko presidenteak iragarri du 2024rako estatuak BPGren % 1,24ra igoko duela. Zenbaki hori oraindik urrun dago NATOk eskatzen duen % 2tik.
Zigor gehiago Moskurentzat
Bestalde, Ursula von der Leyenek iragarri du Hogeita zazpiek laugarren zigor-sorta bat onartuko duela Errusiaren aurka, G7 taldearekin koordunatuta.
"Laugarren zigor-sorta onartuko dugu, eta horrrek are gehiago bakartuko dute Errusia nazioarteko ekonomian", adierazi du.
Bere aldetik, Emmanuel Macron Frantziako presidenteak aurreratu du "ordu batzuen buruan" berriz ere hitz egingo duela Vladimir Putin Errusiako presidentearekin, Olaf Scholz Alemaniako kantzilerrarekin batera, eta ohartarazi du "zigor masiboak" onartuko dituztela Moskuren aurka, Ukrainako inbasioan atzera egin ezean.
Zigor sorta berria larunbat honetan izango da indarrean, eta Errusiaren merkataritzari murrizketak ezarriko dizkio, hala nola, Munduko Merkataritza Erakundearen markoan dituen etekinak kentzea, eta Nazioarteko Diru Funtsetik eta Munduko Bankutik kanpo uztea bilatuko du.
Gainera, EBk Errusiako eliteak are gehiago estutu nahi ditu, eta Valdimir Putinen erregimenetik onura ateratzen duten pertsonen eta oligarken zerrenda beltza luzatuko du. Aurreko zigorren hutsuneak beteko ditu, bereziki kriptodiru sektorean, Putinen ingurukoek finantza murrizketatik ihes egiten ez dutela bermatzeko.
Era berean, EBk luxuzko esportazioei eraso egingo die, Kremlinetik gertu dauden oligarkak zigortzeko beste neurri batean.
Zure interesekoa izan daiteke
Trumpek ohartarazi duenez, Nobel saria lortu ez duenez, jada ez dago "bakean bakarrik pentsatzera behartuta"
AEBetako presidenteak Norvegiako lehen ministroari bidalitako gutun batean azaldu duenez, "orain AEBentzat ona eta egokia dena pentsa dezaket", eta "NATOren alde beste edonork baino gehiago" egin duela gaineratu du.
EBko herrialdeak deituko ditu Costak datozen egunetan, Trumpi erantzun bateratua emateko
Igande honetan Europako enbaxadoreekin izandako bileraren ostean, Europako Kontseiluko presidenteak azpimarratu du EBko herrialdeak prest daudela "edozein hertsapenen" aurrean bere burua defendatzeko, baina baita "interes komuneko gai guztietan AEBrekin modu eraikitzailean hitz egiten jarraitzeko ere".
Ia 4.000 hildako eta 9.000 zauritu izan dira Irango protestetan, GKE baten azken balantzearen arabera
HRANAk (Human Righs Activists News Agency) eman du kopuru hori; eta IHRNGOren arabera (Iran Human Rights), berriz, 3.428 dira hildakoak. Gainera, Interneteko zerbitzuak etenda jarraitzen du.
Hautagai sozialista eta ultraeskuindarra igaro dira Portugalgo hauteskunde presidentzialen bigarren itzulira
Antonio Jose Seguro ministro ohi eta sozialisten buruzagi ohiak botoen % 30,53 lortu ditu eta Andre Ventura buruzagi ultraeskuindarrak % 24,59. Portugalgo presidentetzarako hauteskundeen bigarren bozketa otsailaren 8an izango da.
Muga-zergekin zigortutako Europako zortzi herrialdeak: "Groenlandiara tropak bidaltzea ez da inorentzat mehatxu"
Danimarkako, Finlandiako, Frantziako, Alemaniako, Herbehereetako, Norvegiako, Suediako eta Erresuma Batuko gobernuek ohar bateratu batean diotenez, Groenlandiara tropak bidaltzea "Artikoan segurtasuna indartzea du asmo". Ingurumari horretan, EBko enbaxadoreek bilera egin dute, muga-zergei eman beharreko erantzuna adosteko.
AEBn bizi diren etorkinak kezkatuta, deportatzeko asmoa betetzen ari delako Trump
Maria mexikarra da, 38 urte ditu, eta deportatua ez izateko baimen berezi bati esker dago AEBn. Kezkatuta dago, ordea, immigranteak deportatzeko asmoa betetzen ari delako Trump, milaka agente kontratatuta. Beldurra baliatzen dute askotan: aurpegia estalita eramaten dute, armak eskuan eta oso modu bortitzak erabiltzen dituzte.
Patxi Alberdi, medikua Groenlandian: "Danimarkarrak burbuila batean bizi izan dira, eta sorpresaz hartu dituzte Trumpen asmoak"
Patxi Alberdi Danimarkan bizi den mediku eibartarra da. Psikiatra izan da Groenlandiako ospitale bakarrean, eta oso ondo ezagutzen ditu bi gizarte horiek. Ane Irabazal ETBko korrespontsalak elkarrizketatuta, Trumpen estrategia espantsionista danimarkarrentzat shock bat izan dela kontatu dio, eta herritar asko etsai gisa ikusten hasi direla orain hamarkada luzez aliatu nagusi izan den AEB.
AEBko Alderdi Demokrata Groenlandiako aliatuen aurkako muga-zergak galarazten saiatuko da Senatuan
Chuck Schumer Goi Ganberako buruzagi demokratak "ergelkeriatzat" jo du Trumpen mehatxua.
Europako herrialdeak igande honetan bilduko dira, Trumpen "mehatxuak" eta "xantaia" gaitzetsi ondoren
Trumpen neurriei erantzun bateratua emateko asmoa dute kaltetutako herrialdeek. AEBko presidentearen "mehatxu onartezinak" kritikatu dituzte, eta Frantziako agintaria Europako gainerako buruzagiekin bilduko da, "irmotasuna" erakusteko asmoz.
Jameneik esan du "milaka pertsona" hil direla protestetan, eta Trumpi egotzi dio horren ardura
Irango buruzagi gorenak nabarmendu duenez, "gertaera oso ankerrak jazo dira, hala nola gazteak meskitetan giltzapetzea eta bizirik erretzea, edo neskato, gizon eta emakume babesgabeak hiltzea, atzerritik hornitutako armekin". Testuinguru horretan, Iranen "gobernu berri bat ezartzeko unea" dela adierazi du Trumpek.