Federica Mogherini EBko diplomaziaburu ohia inputatu dute, kontratazio publikoan iruzurra eta ustelkeria leporatuta
Europako Batzordearen presidenteorde izandakoa eta gaur egun Europako Elkargoko egungo errektorea dena atxilotu dute, beste bi pertsonarekin batera. Europar Batasunak gazte diplomatikoentzat finantzatutako formakuntza programa batekin lotuta iruzurra egitea leporatu diote.
Federica Mogherini Europar Batasuneko diplomaziaburu izandakoa inputatu egin dute diru-iruzurra eta ustelkeria delituak leporatuta, atzo atxilotutako beste bi pertsonarekin batera. Ikerketak zerikusia du Europar Batasunak finantzatutako formakuntza programa batekin.
EPPO Iruzurraren aurkako Europako Fiskaltzak asteazken honetan ohar bidez jakinarazi duenez, atzo atxilotutako hiru pertsonak aske gelditu dira, ihes egiteko arriskurik ez dagoelakoan.
Atzo, Mogherini eta beste bi kargudun atxilotu zituzten Europar Batasunak gazte diplomatikoentzat finantzatutako formakuntza programa batean iruzurra egin dutelakoan. Italiar politikaria EBko Atzerri gaietarako goi ordezkaria izan zen 2014tik 2019ra bitartean, Josep Borrell kataluniarraren aurretik. Gaur egun, Europako Kolegioko errektorea da.
Europako Fiskaltzak atxiloketak eta miaketak iragarri zituen atzo Brujasko (Belgika) Europako Kolegioan eta Bruselako Atzerri Gaietarako Europako Zerbitzuan. Dena den, ez zuen atxilotuen identitatearen inguruko informaziorik eman.
Belgikako Le Soir egunkariaren arabera, beste bi atxilotuak Stefano Sannino diplomatiko italiarra (Atzerri Gaietarako Europako Zerbitzuko idazkari ohia) eta Europako Kolegioko kide bat dira.
Anitta Hipper EBko Atzerri zerbitzuaren bozeramaileak, atzo, prentsaurrekoan, baieztatu egin zuen miaketak egin ditutela, eta ikerketak aurreko agintaldiarekin (Josep Borrell) zerikusia zuela argitu zuen. "Ezin dugu informazio gehiago eman, ikerketa fasean gaudelako", gaineratu zuen.
Europako Fiskaltza ikertzen ari da Europar Batasunak finantzatutako eta diplomatiko gazteak hezteko bederatzi hilabeteko formakuntza programa batean ustez egondako irregulartasunak. 2021-2022 ikasturtean Europako Kolegioari esleitu zioten formazioaren ardura, eta Europako Fiskaltzak jakin nahi du Europako Kolegioak lizitazio irizpideak ofizialki argitaratu aurretik ezagutzen ote zituen.
Zure interesekoa izan daiteke
Iranek iragarri du Ormuzko itsasartea "erabat zabalik" egongo dela su etena indarrean dagoen bitartean
Israelen eta Libanoren arteko menia indarrean sartu berritan egin du iragarpena Irango Atzerri ministroak. Adierazi duenez, Irango Portu eta Itsas Erakundeak "jakinarazitako eta koordinatutako" bidea jarraitu beharko dute ontziek.
EBk dio Ormuzen irekiera albiste ona dela baina azpimarratu du joan-etorriek doakoak izan behar dutela
"Bertatik igarotzearren bidesaria ordainarazteak aurrekari arriskutsua ezarriko luke", adierazi du Kaja Kallas Europar Batasuneko Kanpo Arazoetarako goi ordezkariak. Bestalde, krisiaren harira eta Frantziak eta Erresuma Batuak deituta, Parisen bildu dira 50 herrialde eta nazioarteko erakunde. Iragarri dutenez, Persiar golkotik igarotzen diren ontziei "laguntza eta babesa" emango dien itsas misio "neutrala" abiatuko dute.
Israel su etena urratzen ari dela dioten mezuei entzungor, etxera itzultzen hasi dira milaka libanoar
Libanoren eta Israelen arteko menia gauerdian sartu da indarrean. Lehen orduotan, Libanoko Armadak salatu du Israelgoak su etena urratu duela, eta Hezbollahk ohartarazi du "hatza kakoan" dutela bere matxinoek. Ohartarazpenei entzungor, etxera bueltatzeari ekin diote milaka libanoar, eta ilarak sortu dira hegoaldeko hainbat autobidetan.
Israel eta Libanoren arteko 10 eguneko su-etena iragarri du Trumpek
Menia bi nazioen arteko "segurtasun eta bake akordio iraunkorra" lortzeko negoziazioak ahalbidetzera bideratuta dago. Tregoa luzatu ahal izango da negoziazioek aurrera egiten badute.
"Antisemitismo modu berriei" aurre egiteko lege-proposamenak polemika bizia eragin du Frantzian
Caroline Yadan diputatuaren ekimenak Asanblea Nazionala eta iritzi publikoa zatitu ditu. Kritikoek ohartarazi dute Israelen aurkako kritikak isilarazteko erabili daitekeela legea, besteak beste.
Repsolek Venezuelan egiten dituen operazioen kontrola berreskuratu du, eta gehiago ekoizteko baldintzak hitzartu ditu
Repsolen Venezuelako ekoizpena 45.000 upel gordin ingurukoa da gaur egun, batez ere Petroquiriquire petrolio-hobian. Konpainia prest dago petrolioaren ekoizpen gordina % 50 handitzeko 12 hilabeteko epean.
Libanoko presidenteak funtsezkotzat jo du Israelek atzera egitea su-etena ahalbidetzeko
Bi aldeen arteko liskar armatuek 2.000 hildako inguru eta milioi bat desplazatu baino gehiago utzi dituzte jada. Netanyahuren Gobernuak eraso armatuak justifikatzeko azaldu du talde islamistak koheteak jaurtitzen dituela.
Bruselak telelana derrigorrez ezartzea proposatu du, prezioen igoeraren eta Ormuzeko tentsioaren aurrean
Europako Batzordea neurri sorta bat prestatzen ari da prezioen igoerari aurre egiteko. Oraindik zirriborroa bada ere, datorren astean aurkeztuko dute, estatu kideek berehala aplika dezaten.
Azken hamarkadetako gatazka krudel eta bortitzenetako bat bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon izan da. Ez dao¡go hildakoen kopuru zehatza jakiterik: 150.000 izan daitezke, baina kopurua askoz handiagoa izan liteke. Gosete latza dago han, eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatzeko asmoz, baina borrokan ari diren bi aldeek ez dute parte hartu.
Iranek ohartarazi du eskualdeko merkataritza pasabideak itxiko dituela, AEBk Ormuzko blokeoa kentzen ez badu
Joan den larunbateko negoziazioak akordiorik gabe itxi ostean, Irango agintariek baieztatu dute AEBrekin mezuak trukatzen jarraitu dutela azken egunotan, Pakistan bitartekari dela.