Errusiak erasoak gogortu ditu Ukraina mendebaldean, Europar Batasuneko mugatik gertu
Ukrainako gerra hasi zenetik 16. eguna betetzen den egun honetan, Errusiako Armadak erasoak gogortu ditu Ukrainako mendebaldean, eta orain arte errusiarren erasorik jasan ez duten hiriak bonbardatu ditu: Lutsk, Ivano-Frankivsk eta Dnipro. Errusiak baieztatu duenez, bi aireportu militar bonbardatu ditu Lutsken eta Ivano-Frankivsken, eta erasoaren ondorioz, zerbitzuz kanpo gelditu dira.
Juri Poguliaiko Voronezh eskualdeko administrazioko presidentearen arabera, gutxienez bi militar hil eta sei zauritu dira bonbardaketaren ondorioz Poloniako mugatik 90 kilometro ekialdera dagoen Lutsk hirian.
Lehen bonben soinua entzun bezain laster, babeslekuetara joateko eskatu die Lutskeko alkateak herritarrei. ICTV telebista kate ukrainarraren esanetan, hiriko aerodromo militarra eta inguruko fabrika bat izan dira erasoaren helburuak.
Ukrainako Presidentetzaren aholkularietako batek salatu duenez, Ivano-Frankivsk eta Lutsk hiriak ez ezik, Dnipro hiriari ere eraso dio Errusiako Armadak.
ICTV telebista kateak hiru aire-eraso baieztatu ditu Dnipro hirian. Antza denez, haurtzaindegi batetik gertu, etxebizitza eraikin batean eta zapata lantegi batean jausi dira jaurtigaiak.
Bestalde, Ivano-Frankivskeko alkateak hiriaren aurkako erasoak baieztatu ditu Facebook sare sozialean. "Mesedez, ez partekatu leherketen argazkiak eta bideoak. Ikertzen ari gara zergatik ez den alarma sistema martxan jarri", esan du erasoa aireportuan izan dela nabarmendu aurretik.
Errusiako Armadak lehen aldiz egin du eraso aipaturiko hiru hiri horien kontra.
Ospitale bat bonbardatu dute Kharkiv eskualdean
Kharkiv eskualdeko tokiko agintariek salatu dutenez, Errusiako Armadak Oskil herriko ospitale bat bonbardatu du. Gutxienez, 330 gaixo zeuden bertan, baina ez da inor hil.
Aipaturiko ospitalea Luhanskeko borroka frontetik oso gertu dago, Ukrainako Larrialdi Zerbitzuek Facebooken zabaldutako mezu baten arabera.
Erasoak kalte materialak eragin ditu ospitalean, batez ere, bigarren eta hirugarren solairuetan. Leherketak gertatu diren unean langileak eta gaixoak babesleku batean zeuden.
Ukrainako agintariek behin baino gehiagotan salatu dute Errusiako Armada nahita ari dela ospitaleei eraso egiten. Azken egunetan, esaterako, Mariupol hiriko ospitale bat bonbardatu dute.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta erakutsitako ausardia eskertu die
AEBko presidenteak tripulazioarekin hitz egin zuen Ilargiaren aurpegi ezkutua behatu ondoren, egindako misio historikoagatik zoriontzeko. "Gaur historia egin duzue eta harrotasunez bete duzue Amerika osoa, harrotasun ikaragarria", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.