Polonia, Txekia eta Esloveniako buruzagiak Kievera joan dira Zelenskiri babesa emateko
Poloniako, Txekiar Errepublikako eta Esloveniako lehen ministroak (Mateusz Morawiecki, Pietr Fila eta Janez Jansa, hurrenez hurren) Ukrainara joan dira, eta Volodimir Zelenski presidentearekin eta Dneys Shmyhal lehen ministroarekin bidu dira.
Zelenskik batzarraren bideo bat publikatu du bere sare sozialetan, eta azpimarratu du Europako agintarien bisita "babes testigantza handia" izan dela.
Poloniako Gobernuak arratsaldean jakinarazi duenez, hiru buruzagiak goizean abiatu dira trenez, eta iluntzean iritsi dira Kievera. Bitartean, Errusiako Armadak Ukrainako hiriburua eta beste hainbat zonalde bonbardatzen jarraitu du.
"Europar Batasunak Ukrainaren independentzia eta subiranotasuna babesten dituela berrestea eta herrialde horri laguntzeko onartu ditugun neurriak aurkeztea dira batzarraren helburuak", adierazi du Poloniako Gobernuak.
Europar Batasuneko buruzagiek joan den astean Versaillesen egin zuten goi-bileran erabaki zuten ordezkaritza bat bidaltzea Kievera, Zelenskirekin aurrez aurre hitz egiteko.
Ekimenak Europako Batzordearen eta Europako Kontseiluaren oniritzia jaso zuen, eta NATO eta Ameriketako Estatu Batuak jakinaren gainean zeuden.
Sare sozialetan zabaldutako mezu baten bidez, Morawieckik adierazi du Errusiako Armada Ukrainako "hiriak bonbardatzen" ari dela, "zibilak eta ospitaleak" tartean, eta Vladimir Putin "tirano krudel bat" dela salatu du.
Mezuarekin batera, zenbait argazki atxiki ditu. Hiru agintariak ikus daitezke horietan, mahai baten inguruan eserita, Ukrainako mapa bati begira.
"Hemen, gerrak suntsitutako Kieven, egiten da historia. Hemen askatasunaren alde eta tiraniaren aurka borrokan ari dira. Hemen guztion etorkizuna dago jokoan", azpimarratu du beste mezu batean.
"Europar Batasunak Ukraina babesten du, eta gure laguntza aintzat har dezakeela esan nahi diogu: horixe da Kievera dakargun mezua", erantsi du.
Albiste gehiago mundua
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Bilera erabakigarria gaur Etxe Zurian Ukrainaren etorkizunerako
Zelenski, Europako eta NATOko buruzagiekin batera, Trumpekin bilduko da. AEBko presidenteak esan du gerra "ia berehala" amaitu daitekeela Ukrainak Krimeari eta NATOri uko egiten badie.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.
Ukrainako bakea, fase erabakigarrian: Trump Zelenskirekin bilduko da Putinekin egon ostean
Financial Times hedabide britainiarrak jakinarazi duenez, Errusiaren eskakizunek baldintzatuko dute batzarra: Donetsk eta Luhansk, bake akordioa bermatzeko. Gainera, Ukrainako presidentea ez da bakarrik egongo Etxe Zurian, Von der Leyenekin eta beste buruzagi europar batzuekin batera bertaratuko baita.
Bolivian hauteskunde historikoak dituzte gaur: ia 20 urte geroago baliteke eskuinak agintea eskuratzea
Batasun Aliantzako Samuel Doria Medina enpresaria da inkesten buru, eta oso gertu du Aliantza Libreko Jorge Tuto Quiroga oposizioko kide eta presidente ohia (2001-2002).