Errusiaren eta Ukrainaren ordezkariak gaur bilduko dira Istanbulen
Ukrainako gerra hasi zenetik 34 egun betetzen diren honetan elkartuko dira Errusiako eta Ukrainako talde negoziatzaileak, su-etena adostea helburu. Batzarra Istanbulen egingo dute, Recep Tayyip Erdogan Turkiako presidenteak atzo baieztatu zuenez.
Erdoganen esanetan, bilera hori egin baino lehen, bi aldeekin batzartuko da.
"Errusiako eta Ukrainako ordezkariak bihar bilduko dira Istanbulen su-etena eta bakea negoziatzeko. Negoziaziook hasi baino lehen, batzar labur bat izango dut haiekin", esan zuen atzo, martxoak 28, Erdoganek NTV telebista kateak zuzenean eskainitako elkarrizketa batean.
Hitzordua 07:30ean (GMT ordutegia, 08:30ean Euskal Herrian) abiatuko da Istanbulgo Dolmabahçe jauregiaren ondoan dauden Presidentetzaren bulegoetan, eta asteazkenean izango du segida, ateak itxita egingo badute ere, Turkiako presidentearen arabera.
Erdoganen arabera, Vladimir Putin eta Volodimir Zelenski Errusiako eta Ukrainako presidenteekin hartu-emanetan jarraitzen du, bitartekari lanak egiteko.
Turkiak ez du inoiz Krimeako anexioa aitortu, eta Ukrainako lurralde osotasuna errespetatu behar dela azpimarratu du beti. Gainera, armak saltzen dizkio Kievi. Aldi berean, Erdoganek harreman ona du Putinekin eta misilen kontrako sistemak erosi dizkio Moskuri.
Bien bitartean, Ukrainak korridore humanitarioak irekitzeari uko egin dio, Errusiaren "probokazioak direla medio", Iryna Verestxuk Ukrainako lehen ministrorde eta Aldi Baterako Okupatutako Lurraldeak Berreskuratzeko ministroak adierazi duenez.
Bilera horren atarian, elkarrizketa mamitsua eskaini die Volodomir Zelenski Ukrainako presidenteak Errusiako zenbait hedabide independenteri (Meduza, Kommersant eta Novaya Gazeta). Bertan ziurtatu duenez, Ukraina prest egongo litzateke estatus global neutral bat hartzeko Errusiarekin bake akordio bat erdiesteko.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.