Estatus global neutrala hartzeko prest da Ukraina Errusiarekin bakea erdiesteko
Turkian Ukraina eta Errusiaren arteko elkarrizketa erronda berri bati ekiteko bezperan, elkarrizketa mamitsua eskaini die Volodomir Zelenski Ukrainako presidenteak Errusiako hedabide zenbait independenteri (Meduza, Kommersant eta Novaya Gazeta). Bertan ziurtatu duenez, Ukraina prest egongo litzateke estatus global neutral bat hartzeko Errusiarekin bake akordio bat erdiesteko. Argitu du, hori bai, ustezko bake akordio hori beste herrialde batzuek ikuskatu beharko luketela eta erreferendum bidez herritarrei erabakitzeko eskubidea eman.
Horrez gain, azaldu du Ukrainaren helburua dela Errusiak bere tropak otsailaren 24az aurreko posizioetara itzultzea, Crimea, Donetsk eta Luhansken orduko presentzia mantenduz.
"Ulertzen dut ezinezkoa dela Errusia lurralde horiek (ukrainarrak) erabat uztera behartzea, horrek Hirugarren Mundu Gerra ekarriko duelako. Erabat ulertzen dut. Hau da esaten dudana: konpromiso bat da. Itzuli zaitezte dena hasi zen tokira eta Donbassen auzi zaila konpontzen saiatuko gara", adierazi du agintari ukrainarrak.
Edozein irtenbide politikok oinarri bat behar duela gogorarazi du Zelenskik, tropak erretiratzea, "legeak aldatu zain egon gabe".
Hala ere, Zelenskik, gainera, adierazi du prest dagoela presoen truke berri bat hitzartzeko, baita liskarrak amaitu aurretik ere.
Bestalde, Zelenskik adierazi du prest dagoela bi herrialdeetako hizkuntzak eta haien balio historiko eta kulturalak elkarri errespetatzeko akordioak sinatzeko.
Errusian, zentsuratua
Roskomnadzor Errusiako komunikabideen gainbegiratze agintaritzak, Errusiako hedabideei ohartarazi die debekatua dutela Zelenskirekin elkarrizketa argitaratzea. "Elkarrizketak egin dituzten komunikabideei azterketa egingo zaie, haien erantzukizuna norainokoa den eta hartuko den erantzun egokia zehazteko", jakinarazi du erakundeak.
Zelenskik berak, bere Telegrameko kanalean zabaldu du elkarrizketa luzea. Errusian ezagunak diren hainbat kazetarik parte hartu dute, hala nola Mijail Zigarrek edo Tijon Dziadkok, TV Rain telebistako zuzendariak.
Albiste gehiago mundua
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.