Alemaniak gas larrialdi planaren alerta fase goiztiarra ezarri du
Alemaniako Gobernuak gas larrialdi planaren alerta fase goiztiarra ezarri du gaur, Errusiak hornidura eten dezakeelako. Hala ere, hornidura bermaturik dagoela ziurtatu du Berlinek. Alemaniako Industria Konfederazioak (BDI) "zentzuzko neurria" dela uste du.
Robert Habeck Ekonomia eta Klima ministroak prentsaurrekoan zehaztu duenez, Errusiak bere gasa eta petrolioa bakarrik errublotan ordaintzea onartuko duela iragarri du, bestela, hornidura etengo duela.
"Egoeraren aurrean prest egoteko, goizean gas larrialdi planaren alerta fase goiztiarra ezarri dut", esan du ministroak. Horrela, krisi talde bat egunero bilduko da, egoera aztertzeko.
Habeckek nabarmendu du hornidura bermaturik dagoela, akordio guztiak betetzen ari direla eta gas zein petrolioa Alemaniara heltzen ari direla.
Zentzu horretan, prebentzio neurri bat dela erantsi du, baina orain datorren neguan horniduraren segurtasuna bermatzeko eginahalak egin behar dituzte.
Egoerak okerrera egiten baldin badu alerta fase goiztiarretik alertara, eta ondoren larrialdira pasa daitezke.
Bestalde, azken asteetan Alemaniak Errusiako gasaren inportazioak % 55etik % 40ra jaistea lortu duela jakitera eman du ministroak, batez ere akordio berriak itxi dituztelako, hau da, Errusiaren menpekotasuna murrizteko esfortzuagatik.
Alemaniak gas naturala Belgika, Frantzia eta Herbehereetako terminaletatik jasotzen duela gogorarazi du buruzagiak, hornidura etengabea da, eta biltegiak % 25era daude. "Galdera erabakigarria: datorren udazkenari eta neguari begira deposituak beterik egongo al dira? Eta horretarako prestatu behar gara", azpimarratu du.
Zure interesekoa izan daiteke
Trumpek bultzatutako Kapitolioaren aurkako erasoaren bosgarren urteurrena
2021eko urtarrilaren 6an, Donald Trumpen ehunka jarraitzaile Kapitolioan sartu ziren, Joe Biden demokrataren hauteskunde garaipena berresten zen bitartean. Bost urte geroago, erasoagatik auzipetutako 1600 pertsonak indultatu egin dituzte, edo zigorrak kommutatu zaizkie.
Boluntarioen Koalizioak Ukrainarentzako segurtasun konpromiso zehatzak lortu nahi ditu Parisen
AEBk lehen aldiz parte hartuko du Europako buruzagiekin eta Zelenskirekin batera Ukrainako gerrari irtenbide bat bilatzeko aurrez aurreko goi-bilera oso batean.
6,2 graduko lurrikara batek Japonia astindu du
Japoniako agintariek ziurtatu dute ez dagoela tsunami arriskurik.
Machadok eskerrak eman dizkio Trumpi Maduro atxikitzeagatik eta lehenbailehen itzultzeko asmoa agertu du
Fox News telebista katean egindako elkarrizketa batean, Machadok adierazi du bera buru duen oposizioak Venezuela Ameriketako energia gune bihurtuko lukeela, atzerriko inbertsioaren segurtasuna bermatzeko zuzenbide estatua berrezarri eta Maduroren agintaldian herrialdetik ihes egin zuten venezuelarren itzulera erraztu. Hala ere, Trumpek Venezuelako gobernua Machadoren esku uztea baztertu du, herrialdearen babesik ez duela argudiatuta.
Delcy Rodriguezek Venezuelako presidente karguaren zina egin du, Maduroren bahiketaren ostean
Orain arteko presidenteorde exekutiboak "ohorez eta minez" zin egin du Latinoamerikako herrialdeko behin-behineko buruzagi berri bezala, Asanblea Nazionalean. Jorge Rodriguez Parlamentuko presidenteak Nicolas Maduro presidentearen itzulera ezarri du helburu nagusitzat. Caracasen dozenaka hildako utzi zituen operazio militar batean atzeman zuen AEBk.
Madurok errugabetzat jo du bere burua AEBko epailearen aurrean
Venezuelako presidentearen eta haren emaztearen abokatu taldeek erabaki dute "une honetan" baldintzapeko askatasuna ez eskatzea.
EBk ez du Groenlandia arriskuan ikusten, AEB herrialde aliatua delako
Bestalde, Danimarkako lehen ministroak ohartarazi duenez, "NATOko herrialde batek NATOko beste herrialde bati eraso egiten badio, dena amaituko da".
NBEren ustez, AEBk Venezuelan egindako esku-hartzeak ez du Nazioarteko Zuzenbidea errespetatzen
New Yorken egiten ari diren premiazko bileran, Guterresek eskatu du gatazka zabaltzea saihesteko. Alabaina, AEBk ukatu egin du Venezuelan okupaziorik egin izana: "ez gaude gerran, ez dugu herrialderik okupatu".
Omenaldi hunkigarria Crans Montanako suteko biktimei
Crans Montanako eskiatzaile talde batek bihotz erraldoi bat osatu du eski-estazioko pistetako batean, Le Constellation tabernako zorigaiztoko sutearen biktimak omentzeko.
Petrok Trumpen "mehatxuak" gaitzetsi eta "aberriaren alde" armak berriro hartzeko prest legokeela adierazi du
Caracasen larunbat gauean gertatu zena errepikatuz gero, "maite eta errespetatzen" duen "Kolonbiako herriaren zati handi batek jaguar herrikoia" askatuko lukeela konbentzituta dagoela esan du.