Ukrainako Gobernuak Luhansk, Donetsk eta Kharkiv uzteko eskatu die herritarrei
Irina Vereshchuk Ukrainako lehen ministrordeak Luhansk, Donetsk eta Kharkiv uzteko eskatu die herritarrei, Errusiaren balizko erasoaldi baten aurrean.
"Beharrezkoa da, biztanleria heriotza mehatxupean eta etsaiaren suaren mende egongo delako. Haiek ez dute ezer egingo, eta guk ezin izango dugu lagundu, sua gelditzea ia ezinezkoa izango da. Aukera dagoen bitartean ebakuazioa beharrezkoa da", azaldu du Vereshchuk agiri batean.
"Tropa okupatzaileek Kieveko eta Txernihiveko eskualdeetatik atzera egin izana ez da negoziazioei begira borondate oneko keinu bat izan, nahiz eta Errusiako funtzionarioak horrela aurkezten saiatu, gure Armadaren, Gobernuaren eta Ukrainako herri osoaren burdinazko borondatearen" adibide bat baizik, ohartarazi duenez.
Ukrainako gerra piztu zela 42. egun betetzen diren honetan, Errusia Donetsk eta Luhansk eskualdeak (herrialdearen ekialdean) eta Mariupol hiria (hegoaldean) guztiz bereganatzeko ofentsiba prestatzen ari da, Ukrainako Armadak nabarmendu duenez.
Kieveko iturrien arabera, Errusiako tropak Iziumerantz (Kharkiv eskualdea, ipar-ekialdean) ari dira mugitzen, baita Sloviansk eta Barvinkove ingurura ere. Bi hiriok gako izan daitezke Donetsk eta Luhansk kontrolpean hartzeko.
Mariupol (Azoveko itsasoan dagoen portu estrategikoa) hizpide, honakoa esan du Ukrainak: "Mariupoli eraso egiteko saiakerek ez dute etenik. Hiriaren defentsan ari direnek defentsa heroikoa egin dute 40 egunez, Errusiako indar inbaditzaileei eusten".
Errusiako Armadak atzo iragarri zuenez, Mariupol hiria kontrolpean hartzeko erasoari ekingo dio aurki.
Bestalde, Ukrainako presidentearen aholkulariak esan du Errusiako tropak Mykolaiv hiritik atera direla eta Khersonen (biak ala biak hegoaldean) atzera egiteko zorian daudela. Ohartarazi duenez, Errusiako Armadak ez du Kherson berehalakoan utziko, baina "errenditzea" prestatzen ari dira.
"Mykolaiv ez dago jada etsairik, eta borroka guztiak Khersonen egiten ari dira", azaldu du.
Aire bidezko erasoak eta leherketak Lviv hirian eta Dnipropetrovsk eskualdean
Halaber, Lviv hiria (mendebaldean) airez bonbardatzen ari direla baieztatu du bertako administrazio militarreko buruak. Herritarrei babeslekuetan egoteko eskatu die.
Dnipropetrovsk eskualdean, leherketak entzun dira Novomoskovsken, Dnipro hiritik gertu, Ukrainako hedabideek aipatutako iturrien arabera.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.