Errusiako Armadak Azovstal altzairutegiaren aurkako erasoa hasi du Mariupolen
Ukrainako gerra hasi zenetik 55 egun betetzen direnean, tropa errusiarrek Azovstal altzairutegiaren aurkako erasoa hasi dute Mariupolen, dirudienez, ukrainarrek hor duten azken erresistentzia gunea desegiteko. Ukrainako agintarien arabera, mila zibil inguru eta 2.500 soldadu ukrainar daude aipaturiko altzairu fabrikan. Testuinguru horretan, Errusiak beste ultimatum bat eman die Mariupolen gelditzen diren militarrei eguerdia baino lehen armak entregatu ditzaten.
Eduard Basurin Donetskeko Herri Errepublikako buru militarretako batek erasoaren hasiera baieztatu du: "Nik dakidanez, misio horretarako bereziki hautatutako talde batzuk lanean hasi dira, eta Errusiako Federazioa laguntzen ari zaigu bere abiazio eta artilleriarekin".
Basurinen hitzetan, Errusiaren aldeko indarrek Mariupoleko etxebizitza eraikin guztiak kontrolpean hartu dituzte, eta espero du Azovstalen gelditzen diren indar ukrainarrak laster amore ematea.
Asteburuan, Errusiak amore emateko ultimatuma eman zien Mariupolen dauden soldadu ukrainarrei, baina borroka egiten jarraitu zuten. Gaur Errusiak beste ultimatum bat eman die Mariupolen gelditzen diren militarrei armak entregatu ditzaten.
Ukrainako agintariek emandako datuen arabera, mila zibil inguru daude altzairu fabrikan, tartean emakumeak eta haurrak, eta 100.000 biztanle inguru daude hiriko beste eremu batzuetan. Errusiak, berriz, ukatu egin du lantegian zibilak daudela, eta azpimarratu du militarren aurka bakarrik egiten duela eraso.
Errusiak Donbass eskualdeko ofentsiba handia hasi duela baieztatu du bart Volodimir Zelenski Ukrainako presidenteak gauero nazioari eskaintzen dion mezuan.
"Indar errusiarrek Donbasseko borroka hasi dute", adierazi zuen Zelenskik. "Berdin dio zenbat militar errusiar ekartzen dituzten bertara. Borrokatzen eta defendatzen jarraituko dugu. Egunero egiten jarraituko dugu. Ez dugu ukrainarra den ezer entregatuko, baina ez dugu gurea ez den beste ezer behar", gaineratu zuen.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.