Ruanda
Orain dela 28 urte, Afrikako erdialdean, Ruanda eta Burundi izeneko bi herrialde zeudela ohartu ginen. Sarraski beldurgarriak gertatu ziren orduan, hutuak eta tutsiak deitutako tribuen artean, eta aste batzutan zehar ez zuten beste konturik izan komunikabideek, adituek eta iritzi emaileek. Horrelakoetan ohi bezala, azkar nekatu eta aspertu ginen eta hedabideek beste leku eta protagonista batzuk aurkitu zituzten gure arreta erakartzeko.
Erresuma Batuko Gobernuak orain, sarraski haiek izandako lekura bidali nahi ditu, bertara bizimodu hobearen bila baimenik gabe iritsitakoak. "Ilegalak" deitu ditu Boris Johnson lehen ministroak. Bere hitzetan britainiarren errukia neurri gabea izan liteke, baina jende berria jasotzeko ahalmena mugatua, eta horregatik zerbait egin behar dute, gero eta zailagoa bihurtu zaien arazoari irtenbidea emateko. Britainiarren erabakiak lehendabizi harridura eragin du, ondoren giza eskubideen aldeko erakundeen gaitzespen gogorrena.
Askori txistea, benetan hartu ezin daiteken erabakia iruditu zaiena hala ere ez da aparteko bitxikeria. Europako beste herrialde batzuek, eta Europar Batasunak berak antzerako erantzunak aztertu ditu eta gaur egun, Londresko gobernuak Ruandarekin sinatutako akordioaren antzerakoak ditu Turkia, Niger edo Libiarekin. Paperik gabeko etorkinak onra ditzaten, dirua eta baliabideak ematen zaizkie herrialde hauei, Europar Batasunarenak diren ardurak beraiek har ditzaten.
Ukrainako gatazkak, Mundua hankaz gora jartzeaz gain, etorkizuna finkatzen hasteko balio beharko zuketen irakaspenak ere utzi dizkigu. Nagusia agian, gure bizitza uste baino oinarri ahulagoen gainean eraiki dugula, eta egun batetik bestera, bizimodu lasaia eta oparoa izatetik errefuxiatu bihurtzera pasa gaitezkela, guk aparteko ezer egin gabe. Eta hala izanik, elkartasuna eta laguntza beharko genituzkeela aurrera ateratzeko.
Gizakia gizaki denetik, migrazioak istilu eragile izan dira. Gai honetan gainera, demagogia egitea erraza da, herrialde askotako hauteskunde kanpainetan egiaztatu daitekeenez. Era berean ukaezina da, gure mugetatik kanpo datozenak hartu eta bertakotzeko aukerek muga jakina dutela. Baina Europar Batasunak etorkinak behar ditu derrigorrez etorkizuna izan nahi badu. Adinen desorekak, ingurumena babesteko populazioaren hazkundeak behar dituen neurriak, lurraren eta naturaren mugek horixe eskatzen digute.
Eta Ukrainak hemen ere erakutsi digu zein den bidea, zer egin genezaken babes eta aukeren bila datozenekin, azalaren kolorea eta jatorria edozein izan da ere. Eta noski, pertsona ilegalik ez dagoela aitortu eta ezin ditugula Kontxintxinara edo Ruandara bidali, zigortu eta atzetik datozenak uxatzeko.
Zure interesekoa izan daiteke
Kanpalekuetan bizirauten ari dira astindutik bizirik irtendako venezuelarrak
Askok etxea galdu dute eta beste batzuek kalteak dituzte, ez dakite itzultzerik izango duten. Laguntza humanitarioa behintzat iristen ari da Hego Amerikako herrialdera.
ETBk Iranera sartzea lortu du, Ali Khamenei buruzagiaren hileta bertatik bertara kontatzeko
Milaka herritar ari dira ayatola gorenaren agur ekitaldietan parte hartzen. Mendeku eskean batzuk; negar malkotan, besteak. Ekitaldiak aste betez luzatuko dira, eta erregimenak indar eta batasun irudia eman nahi du.
Aita santuak omenaldia egin die hildako migratzaileei Lampedusan, eta Frantziskoren ondarea omentzea eskertu du
Leon XIV .a aita santuak larunbat honetan Italiako Lampedusa uhartera egindako bisitan esan duenez, Mediterraneo itsasoan izandako milaka hildakoak "hartutako erabakien" eta "ahaztutako erabakien" biktima dira, eta migrazio dramaren aurrean axolagabekeria salatu zuen.
Ehunka mila pertsona parte hartzen ari dira Khameneiren hileta publikoan
Asteburu osoan milioika pertsona espero dira, eta astelehenean Irango hiriburua zeharkatuko du segizioak; asteartean Qom hiri santura joango da, eta asteazkenean Iraken jarraituko du, ostegunean lurperatu aurretik.
AEBk inoiz izan duen hedapen handiena duela goraipatu du Trumpek Independentziaren Egunean
AEBren nagusitasun militarra aldarrikatu du Trumpek, baita XX. mendeko gatazka handietan izan duen paper historikoa ere: "Armadarik indartsuena eta boteretsuena sortu dugu".
Teheranen gaur zabaldu dute Ali Khameiren hil kapera
Ali Khameneiren hileta-kaperan, gerraren lehen egunean hil zuten aiatola gorenari azken agurra eman diote Teheranen. Khameneiren hilkutxa erdian eta inguruan beste lau jarri dituzte, erasoaren egunean berarekin zeuden senideen hileta-kutxak. Bihar eta etzi herritarrak sartu ahal izango dira hilkutxa dagoen meskitara, eta astelehenean, Teherango kaleak zeharkatuko ditu.
Donald Trump eta bere azoka handia, protagonista nagusiak AEBen 250. urtebetetzean
Estatu Batuen Independentziaren Adierazpenaren 250. urteurrena ospatuko dute larunbatean, uztailaren 4an. Eta Donald Trumpek bere irudia goresteko erabiliko du urteurrena. Buruzagi errepublikanoak bere aurpegia daramaten oroitzapenezko txanponak egin ditu, eta National Mallen azoka handi bat antolatu du. Ekimenak noria erraldoi bat, garaipen-arku bat, rodeoak, hitzaldiak, su artifizialak eta hegazkin militarren erakustaldiak izango ditu. Azokak, hala ere, porrot egin du orain arte. Oso jende gutxi bertaratzen ari da, eta horrek indartu egin ditu kritikak. Salatzen dutenez, Trumpek ospakizun nazionala baliatu du bere irudia indartzeko.
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.