Erresuma Batuko Parlamentuak Boris Johnson Downing Streeteko festengatik ikertzea onartu du
Bere bulegoetan egindako festek legea urratzen zutenik ez zekiela azaldu zuenean, Boris Johnson lehen ministroak Parlamentuari gezurra esan ote zion argitzeko ikerketa abian jartzea onartu du Erresuma Batuko Komunen Ganberak.
Ikerketa Ganberako Pribilegio batzordeak aurrera eramango du. Bozketarik egin gabe onartu dute; izan ere, Komunen Ganberako presidenteak ozen galdetu du inor kontra ote zegoen, eta inork ez du aurkako jarrerarik azaldu.
Ikerketa atzeratzeko asmoa azken unean aldatzea erabaki du gaur Gobernuak, diputatu kontserbadore asko aurka zeudela baieztatu ondoren, bertako komunikabideek jakitera eman dutenez.
Alderdi Laboristak asteartean aurkeztu zuen mozioa. Poliziaren eta Sue Gray funtzionarioaren ikerketak amaitu arte bozketa atzeratzeko saiakera babesteko eskatu zien Gobernuak diputatu kontserbadoreei.
Boris Johnson Indian. Argazkia: EFE
Hala ere, azken orduan jarrera aldatu eta mozio laborista nahi bezala bozkatzeko aukera eman diete parlamentari kontserbadoreei.
Sky News telebistak azpimarratu duenez, diputatu toryak ez zeuden lehen ministroaren jarrera ikertzeko gehiago itxaroteko prest, Westminsterreko zurrumurruen arabera. Johnson Indian harrapatu du Ganberaren erabakiak. Hala ere, batzordearen ikerketa ez da hasiko Scotland Yardena amaitu arte.
Pribilegio batzordea zazpi diputatuk osatzen dute. Egun lau kontserbadore, bi laborista eta SNPko (Eskoziako alderdi abertzalea) ordezkari bat dira kideak.
Chris Bryant oposizioko parlamentariak zuzentzen du. Ikerketa bukatu ostean, batzordeak txosten bat prestatu beharko du, eta ondoren Komunen Ganberari igorriko dio. Ondorioak eta gomendioak Parlamentuan bozkatu beharko dituzte berriro.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.