Macronek ultraeskuina garaitu du
Emmanuel Macron Frantziako presidenteak irabazi ditu Presidentziarako hauteskundeak, eta beste bost urte emango ditu karguan, bigarren itzulian Marine Le Pen ultraeskuindarra garaituta.
Frantziako Barne Ministerioaren emaitza ofizialen arabera, botoen zenbaketa amaituta, agintariak botoen % 58,55 eskuratu ditu (18,7 milioi bozka), eta haren aurkariak, % 41,45 (13,2 milioi bozka). Le Penek lehen boto proiekzioak ezagutu eta minutu gutxira aitortu du galdu duela.
Duela bost urte, 2017ko hauteskundeen bigarren itzulian ere aurrez aurre izan ziren, eta orduan Macronek botoen % 66 bereganatu zuen.
Barne Ministerioak zabaldutako datuen arabera, parte-hartzea % 72 ingurukoa izan da eta, beraz, abstentzioa, % 28koa. Hain zuzen ere, abstentzioa 1969tik izandako altuena da. Botoa emateko eskubidea zuten 48,7 milioi pertsonetatik 13,6 milioik ez dute bozetan parte hartu. Bestalde, boto emaileen % 4,57k boto zuria eman dute eta % 1,62k, ostera, baliogabea.
Ipar Euskal Herrian ere nagusitu da Macron, estatu mailan baino alde zabalagoaz, gainera.
Emaitzen berri izan eta ordu batzuetara, presidenteak agerraldia egin du Marteko Zelaietan, Eiffel Dorrea atzean zuela, eta "herritar guztientzat" gobernatuko duela promestu du. Horren ildotik, muturreko eskuinaren alde "haserreagatik" bozkatu dutenei "erantzunak" emango dizkiela azpimarratu du.
Macronek eskerrak eman dizkie bere jarraitzaileei, baina eskuin muturra geldiarazteko helburuz botoa eman diotenei ere bai. Era berean, abstenitu egin direnen "isiltasunari" ere erantzungo diola esan du.
Bestalde, Bilgune Nazionaleko hautagaiak, Marine Le Penek, agerraldia egin du lehen boto proiekzioak publikatu eta minutu gutxira, galdu egin duela aitortzeko. Hala ere, baikor agertu da, eta bildutako boto kopurua "historikoa" dela gogorarazi du. Hori dela eta, ekaineko legegintzarako bozak "bataila handia" izango direla adierazi du.
"Miloika aberrikidek aldaketaren alde egin dute", adierazi du Le Penek, eta Macronen aurrean "benetako oposizioa" egingo duela eta "kontraboterea" izango dela aurreratu du.
Bigarrenez irabazi duen lehen presidentea 20 urtean
Macron faborito zen inkestetan, baina, azkenean, 2017an baino garaipen estuagoa izan du. Izan ere, duela bost urte, botoen % 66 jaso zituen. Aldiz, Le Penek, galdu egin badu ere, eskuin muturrak inoiz izandako emaitza onenak lortu ditu.
Bigarren itzulitik kanpo geratu ziren alderdi gehienek Macronen aldeko botoa eskatu zuten, edo behintzat Le Penen alde ez bozkatzea.
2002tik hauteskundeak bigarrenez irabazi dituen lehen presidentea da Macron. Jacques Chirac izan zen azkena.
Zure interesekoa izan daiteke
AEBko administrazioa ireki dute: 43 egun iraun duen eta inoizko luzeena izan den itxialdiari amaiera eman diote
Donald Trump Ameriketako Estatu Batuetako presidenteak bart sinatu du administrazioaren itxierari amaiera eman dion legea. Urtarrilaren 30era arteko aurrekontua onartu dute, eta Ordezkarien Ganberak 2026rako partidak osorik onartu beharko ditu, berriro itxialdirik egon ez dadin.
Albiste izango dira: 10 urte Bataclan aretoko atentatuetatik, gutxieneko soldata propioa Eusko Legebiltzarrean eta Korrikaren aurkezpena
Gaurkoan Orain-en albiste izango direnen laburpena, bi hitzetan.
David Bataclanen bahituta eduki zuten: “Minutu oro oroitzen dut gertatutakoa, tenperatura, usainak, armak…”
Eraso jihadista batean, 132 pertsona hil ziren Parisen, 2015eko azaroaren 13an; gehienak, Bataclan aretoan. 10. urteurrena da, eta biziraun zuen David Fritz elkarrizketatu du EITBk. 10 lagunekin batera bahitu zuten, bi ordu eta erdiz. Haren aurrean jendea hil zuten. Bizipen hark traumak utzi dizkio, eta memorian iltzatuta ditu ikusitakoen irudiak. Terapia gisa, bi liburu idatzi ditu ordutik.
Macronen pentsioen erreforma bertan behera utzi du Frantziako Asanblea Nazionalak
2023an onartutako erreformak polemika piztu zuen hasieratik eta herrialdeak bizi izan duen krisi politikoaren arrazoi nagusiena izan da. Alderdi Sozialistak erreforma bertan behera uztea baldintza gisa jarri zuen Sebastien Lecornuren gobernua erortzen ez uzteko.
Krisia BBCn: Zer gertatu da eta zein dira hurrengo pausoak?
Tim Davie Erresuma Batuko irrati-telebista publikoaren zuzendari nagusiak eta Deborah Turness albistegien zuzendariak dimisioa eman dute, Trumpen hitzaldi baten manipulatutako bertsioa emititzeagatik.
Fung-wong tifoiak 27 hildako utzi ditu Filipinetan eta 3,6 milioi pertsonari eragin dizkio kalteak
Galerak oso handiak dira, milaka etxe suntsituta edo kaltetuta daude, 170.000 familia ebakuazio-zentroetan daude babes hartuta, eta komunikazioa oso zaila da, 37 zubi erori baitira, eta gutxienez 12 errepide nazional urak hartu ditu.
Manifestari talde bat Brasilgo COP30ean sartu da, milamilioidunenei zerga gehiago jarri diezaietela eskatzeko
Belemen, manifestariek Nazio Batuen Erakundeak kudeatzen duen COP30eko gune urdinean sartzea lortu dute. Amazoniako petrolio-ustiategien aurka protesta egin dute eta milamilioidunenek ingurumen-zergak handiagoak ordaindu ditzatela eskatu dute. Lula presidentearen aurkako mezuak ere zabaldu dituzte, Amazoniaren egoera ofizialki onartzen dena baino okerragoa dela salatuz.
Sarajevoko setioan zibilei tiro egitearen truke ordaindu omen zuten italiarrak ikertzen ari da Milango Fiskaltza
Alessandro Gobbis fiskalak ikerketa bat ireki du eskuin muturrarekin lotura duten italiar batzuei buruz. Sarajevoko setioan (1992-1996) frankotiratzaile gisa jarduteko 100.000 euro ordaintzea egozten diete.
Atentatu suizida batek gutxienez hamabi pertsona hil ditu Pakistango hiriburuko auzitegi batetik gertu
Pakistango atentatua eta astelehenean izandako Indiako leherketa ikertzeko eskatu du NBEko idazkari nagusiak.
Belgikak 2.000 euroko soldata eskaini die urtebeteko soldaduska egin nahi duten 17 urteko boluntarioei
Borondatezko soldaduska 2026ko irailean hasiko da, eta Belgikako Gobernuak 149.000 gutun baino gehiago bidali dizkie herrialdeko 17 urteko gizon eta emakume guztiei.