Errusiak aldebakarreko su-etena iragarri du Mariupoleko Azovstal lantegitik zibilak ebakuatzeko
Errusiako agintariek aldebakarreko su-etena iragarri dute astelehen honetan, korridore humanitario bat martxan jarri eta Azovstal lantegitik zibilak ebakuatzeko, Mariupol hirian.
Mijail Mizintsev koronel jeneralak, Defentsa Nazionaleko Kontrol Zentroko buruzagiak, azaldu duenez, Errusiako tropek zein Donetsk herri errepublikako miliziek aldebakarreko su-etena egitea erabaki dute, zibilen ebakuazioa ziurtatzeko.
Irina Vereshchuk Ukrainako lehen ministrordeak, aldiz, Errusiaren korridorea ukatu du. "Zoritxarrez" bi aldeen arteko akordiorik ez dago Azovstal altzairutegian korridoreak zabaltzeko, azpimarratu duenez.
Vereshchuken hitzetan, bi aldeen arteko akordioa egongo balitz korridore humanitarioak zabalduko lirateke, baina Moskuk aldebakarreko erabakiarekin zabaldutakoak "ez du segurtasunik eskaintzen eta, ondorioz, ez da korridore humanitario bat", Babel Ukrainako albiste atariak jakitera eman duenez.
Azovstaletik zibilak ateratzeko korridore bat bermatzeko eskatu diote Kieveko buruzagiek Antonio Guterres NBEko idazkari nagusiari, Ukrainako lehen ministrordeak gogorarazi duenez.
"Konkretuki, zutabe humanitarioan NBEko eta Gurutze Gorriaren Nazioarteko Batzordeko ordezkariak izatea eskatu genion", zehaztu du Vereshchukek. Guterresen eta Errusiaren arteko elkarrizketetan "eraginkortasuna" espero dute Kievekeko agintariek.
Mariupolen oraindik gotorturik dauden zibilak ebakuatzeko korridore humanitarioek porrot egin zuten iragan astean. Vladimir Putin Errusiako presidentearen helburu nagusietako bat da Mariupol, "operazio militar berezian" aurrera egiten jarraitzeko.
Herrialdeko portu nagusietako bat du Mariupol hiriak. Horrela, itsasorako irtenbidea moztu nahi dio Moskuk Ukrainari, eta Donetsk eta Luhansk herri errepublikak Krimeako penintsularekin bat egin.
Zure interesekoa izan daiteke
?fmt=webp-alpha&qlt=80)
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.
Leon XIV.a aita santuak gerraren aurkako aldarria egin du eta armak uzteko eskatu du
Tradizioan ez bezala, non pontifizeek mundu mailako diskurtsoa erabiltzen duten nazioarteko tentsio-guneak errepasatzeko, Leon XIV.ak ikuspegi orokor baten alde egin du, eta axolagabeak ez izateko eta gaitzaren, gorrotoaren eta gerraren aurrean ez etsitzeko eskatu du.