Bi hilabete bete dira Errusiak Ukrainan inbasioa hasi zuenetik, Donbass "askatzea" helburu
Gutxienez 2.200 hildako zibilekin eta 5 milioi errefuxiaturekin (NBEren arabera), bi hilabete bete dira Ukrainan gerra hasi zenetik. Orain, bigarren fasearen garapena izaten ari da, herrialdearen ekialdeko Donbass eskualdea "erabat askatzeko", Kremlinak adierazi duenez.
Mariupol hiri estrategikoa, Azov itsaso parean, da ukrainar erresistentziaren azken gotorlekua, eta Errusiaren helburu nagusietako bat izan da gerra hasi zenetik. Izan ere, Donbass eskualdea erabat menperatzea da asmoa, eta 2014an anexionatutako Krimearaino korridore bat eratzea ekialdean.
Erasoa hasi zenetik, tropa errusiarrek ekialdetik egin dute aurrera, Kharkiv Ukrainako bigarren hiri handienetik eta Mariupoletik. Hala, indar ukrainarrak inguratu nahi izan dituzte, Odesa hirira hedatzeko; Errusiaren portu gutiziatuenetako batera.
Mariupolen inguruko hizketak
Mijailo Podolyak ukrainar Presidentetzako aholkulariak Mariupoli buruzko elkarrizketa erronda proposatu dio Errusiari igande honetan. Era berean, salatu du Pazko ortodoxoan ere tropa errusiarrek Azovstal altzairutegia bonbardatu dutela, Ukrainako hego ekialdeko hiri horretan gelditzen den erresistentzia nukleo bakarra.
Twitterren zabaldutako mezu batean, ordezkaritza negozatzaileko kide den Podolyakek haren "izen onaren hondarretan" pentsatzeko iradoki dio Errusiari.
"Hiru pauso besterik ez dira behar horretarako: Pazko garaian benetako su-etena deklaratzea Mariupolen gain, zibilentzako korridore humanitario bat berehala ezartzea eta "negoziazio erronda berezi" bat hitzartzea, soldaduak jaso/trukatu ditzagun", laburtu du.
Gainera, Azovstal altzairutegiaren aurkako bonbardaketak salatu ditu. Zibilak eta soldaduak daude bertan babestuta.
Vladimir Putin Errusiako presidenteak bertan behera utzi zuen ostegunean lantegi metalurgiko gotortuaren aurkako erasoa soldadu errusiarren biziak salbatzeko, baina blokeatzeko agindua eman zuen, "euli bat ere" igaro ez zedin.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.