Txinak estazio meteorologiko bat jarriko du Everest gailurrean
Txinatar espedizio zientifiko batek Everestera bidaia egingo du, Nepal pareko mugan, gailurrean lehen estazio meteorologiko automatikoa instalatzeko.
Espedizioan zehar, zortzi estazio meteorologiko jarriko dituzte guztira, eta horietako lau 7.000 metrora egongo dira, itsas mailaren gainetik. 8.800 metroko altitudearekin (gailurrak 8.849 metro ditu), munduko estazio meteorologikorik altuena izango da arrakastaz ezarriz gero, Xinhua agentziaren arabera.
270 ikertzailek Qimghai-Tibet goi-lautadara egingo duten misio zientifikoaren parte da espedizioa. Besteak beste, mendebaldeko haizeen eta montzoien arteko sinergia, Asiako ur-dorreen aldaketa, ekosistemak eta aniztasuna, eta Qomolangma (hala esaten diote txinatarrek Everest mendiari) mendi inguruko giza jarduerak izango ditu ardatz.
Gainera, espedizio taldeak bestelako ikerketak ere egingo ditu; inguruneak jasandako aldaketei buruzkoak, berotegi efektuko gasen kontzentrazioaren aldaketei buruzkoak, ekosistemaren karbono-sarbegi funtzioei buruzkoak eta Qomolangma mendiko altitude handieneko inguruneetan giza egokitzapenari buruzkoak, berotze globalaren testuinguruan.
Espedizioak Qomolangma aldeko giro atmosferikoko eta kriosferako aldaketei buruzko datu zientifikoak lortzea du helburu, eta krisi klimatikoaren testuinguruan mendiko gune altuenetako giro aldaketaren legeak ezagutaraztea.
2017an abiatu zuten Qinghai-Tibet goi-lautadarako bigarren espedizio zientifikoa. Garrantzi handikoa da eskualdean garapen jasangarri baterantz aurrera egiteko eta mundu mailako ingurunearen babesa sustatzeko.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".