Aurpegia estaltzeko agindu diete talibanek emakumeei eta burka erabiltzea gomendatu
Talibanen erregimenak agindu berria kaleratu du zigorrak iragarriz etxetik kanpo aurpegia estaltzen ez duten emakumeen kontra. Gainera, burka erabiltzea gomendatu die, 1996tik 2001era talibanen lehen erregimenean derrigorrezko izan zen jantzia, alegia.
Hebatula Ajundzada talibanen buruzagi nagusiak eman du agindua, zuzenean, eta Birtutea Sustatzeko eta Bizioa Prebenitzeko Ministerioak zabaldu du, 'sharia' edo lege islamikoa betetzen dela kontrolatzeko ardura duen erakundeak, alegia. "Afganistango emakumeek % 99k jada erabiltzen dute hijaba. Gainontzekoek ere erabili beharko lukete, ez dago aitzakiarik eurentzat" dio dokumentuak. Bertan zehazten dute 'hijab'arekin gorputz osoa estaltzen duten jantzia esan nahi dutela, eta "burka da aukerarik onena" gehitzen dute.
Ministerioaren bozeramaile batek prentsaurrean adierazi duenez, emakumeek aurpegia estali behar dute publikoan egonez gero; bestela, bere "zaintzaile" gizonezkoek zigorra jaso dezakete, edo kartzelan amaitu, Jaama agentziaren arabera.
Talibanen arabera, horrela jantzita, emakumeek euren "zaintzaile" ez diren gizonekin topo egingo balute, "probokazioak ekidingo lirateke". Senarrak nahiz familiako gizonak bakarrik izaten dira "zaintzaileak".
Agindu berriak ez ditu emakumeak jantzi zehatz bat janztera behartzen baina baten alde egiten du, zehazki, aukera onena delakoan: burka. Testuak gainera, ondokoa dio: "emakumeek ez badute ezer garrantzitsurik egiteko, hobe etxean geratzen badira".
Fundamentalistek boterea eskuratu zutenean, emakume afganiarren eskubideak errespetatuko zituztela esan zuten, nazioartearen onespena lortzeko. Baina, errealitatean, emakumeen egoera talibanen lehen erregimenean bezalakoa da edo horretara doa. Orduan etxean egotera behartu zituzten, ikasteko eta lan egiteko aukera kenduz.
Emakumeen kontrako agindu horietako askoren atzean Birtutea Sustatzeko eta Bizioa Prebenitzeko Ministerioa dago, talibanen lehen erregimenean indarrean jarritako erakundea. AEBen inbasioarekin bertan behera geratu zen eta orain, 20 urte beranduago, berriz ere indarrean sartu da, Emakumearen Ministerioa izandakoaren ordez, hain zuzen ere.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.