Jada 32 dira Habanako Saratoga hoteleko leherketan hildakoak, emakume espainiar bat tartean
Gutxienez 32 pertsona hil dira Kuban, horietako 4 haurrak, eta beste 80 pertsona zauritu, Habanako Saratoga hotelean atzo gertatu zen leherketan, Kubako agintariek baieztatu dutenez.
Azken balantze ofizialaren arabera, 31 heldu eta 15 adin txikiko daude ospitaleratuta. Horietako batzuk egoera kritikoan daude eta beste batzuk oso larri.
Espainiako Gobernuaren Atzerri Gaietarako Ministerioak gaur goizean jakitera eman duenez, bestalde, hidakoen artean emakume turista galiziar bat dago. As Pontes de García Rodríguez (Coruña) bizi zen neska gaztea da hildakoa (1993an jaioa). Bere mutil lagunari (1992koa) ebakuntza egin diote, eta egoera kritikoak dago. Viveiros (Lugo) herrikoa zen hildakoa.
Iturri diplomatikoen arabera, hotelaren kanpoaldean zegoen bikotea leherketa izan zenean eta bete-betean harrapatu zituen. Pedro Sanchez Espainiako Gobernuak doluminak helarazi dizkie senideei:
Habana Zaharrean, Kapitoliotik gertu, izan zen leherketa atzo, Kuban 10:50 zirenean (16:50 Euskal Herrian). Antza denez, zisterna-kamioi bat hotelean gas likuatua deskargatzen ari zela gertatu zen leherketa.
Une horretan langile talde bat bakarrik zegoen hotelaren barruan. Guztia prest jartzen ari ziren maiatzaren 10ean berrirekitzeko, pandemiagatik bi urtez itxita egon eta gero.
Eskola hustuta eta 23 eraikin kaltetu
Hoteletik gertu dagoen 390 ikasleko eskola bat hustu behar izan zuten leherketaren ostean eta senideengana eraman zituzten haurrak. Gutxienez 5 haur zauritu ziren Kubako hedabideek jaso dutenez.
Leherketak, gainera, 23 eraikin kaltetu zituen, horietako 17 etxebizitza blokeak. Bi eraikinen estruktura oso kaltetuta dagoela jakinarazi dute agintariek.
Miguel Diaz-Canel Kubako presidentea berehala gerturatu zen ezbeharraren lekura, Manuel Marrero lehen ministroarekin eta Esteban Lazo Kubako Asanblada Nazionaleko presidentearekin batera. Kubako agintariek argi utzi dute ez dela ez bonba ez atentaturik izan, "istripu tamalgarria baizik".
Kubako Presidentziak sare sozialetan zabaldutako argazkietan presidentea lekuan bertan zein inguruko ospitaleetan ageri da, zaurituak bisitatzen.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".