Gazpromek ez du arrazoirik ikusten Europara Ukrainatik barrena doan gas ibilbidea aldatzeko
Gazprom gas partzuergo errusiarrak ez du arrazoirik ikusten Ukrainatik Europara gasa hornitzeko ibilbidea aldatzeko. Hala adierazi du Ukrainako gas transmisio sareko operadoreak (GTSOU) "ezinbesteko arrazoiak" argudiatu ostean Errusiatik Europara garraiatzen duen gasaren herenaren joan-etorria aldi baterako eteteko.
Operadore ukrainarrak adierazi duenez, "okupatzaileen ekintzek Sojranivkako konexio-puntutik igarotzen zen gasaren zirkulazioa eten behar izatea eragin dute". "Ezinbesteko kausa" horren ondorioz, ezinezkoa da gasa bertatik garraiatzen jarraitzea, ezta Novopskoveko konpresio-estaziotik ere, Errusiako mugan biak ere, Ukrainako ekialdeko Luhansk probintzian eta Moskuko indarrek kontrolatutako lurraldean.
Sergei Kuprianov Errusiako enpresaren bozeramaileak Telegram bidez zabaldu duenez, "Gazpromek ez du ezinbesteko kausaren baieztapenik jaso, eta ez du eragozpenik ikusten lanarekin jarraitzeko".
Sojranivkako estaziotik 32,6 milioi metro kubiko gas igarotzen ziren egunean orain arte, hau da, Ukrainak Europara garraiatzen duen guztiaren herena, GTSOUren arabera.
Operadorearen hainbat instalazio Errusiaren kontrolpeko lurraldeetan daude, eta Errusiak ez du horien gaineko kontrol operatibo edo teknologikorik, erantsi duenez. Ukrainak Gazprom errusiarrarekin duen igarotze-kontratuaren arabera, gertakari horiek "ezinezko egiten dute kontratuan jasotako betebeharrak betetzea, eta ezinbesteko kausa" dira, operadore ukrainarraren esanetan.
Gazpromek dioenez, orain arte Ukrainako espezialistak Sojranivkan aritu dira lanean, eta ezerk ez die eragozten lanean jarraitzea.
Hala ere, GTSOUk adierazi duenez, behin-behinean, aurreikusitako bolumenean Europara gasa hornitzen jarraitzeko "aukera dago", gasa Sojranivkaren interkonexio-puntutik Sudzhara transferituta; bigarren hori Ukrainaren kontrolpean dago, eta 77 milioi metro kubiko gas igarotzen dira handik egunero. Gazpromek baztertu egin du aukera hori, "teknikoki ezinezkoa" dela esanez.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.