Xireen Abu Akleh kazetariaren hiletan poliziak erabilitako bortizkeria ikertuko duela esan du Israelek
Omer Bar Lev Israelgo Segurtasun Publikorako ministroak ikerketa irekitzea agindu du Xireen Abu Akleh kazetari palestinarraren hiletan poliziak izandako jarrera argitzeko. Abu Akleh tiroz hil zuten Cisjordanian, manifestari palestinarren eta Israelgo indarren arteko istiluak bertatik bertara jarraitzen ari zela.
"Israelgo Poliziak hiletan gertatutakoa ikertuko du. Israelgo Poliziak bere agenteak babesten ditu baina ikasten eta hobetzen saiatzen den erakunde profesional gisa, gertatuari buruzko ondorioak ere aterako ditu" adierazi du Poliziak The Times of Israel egunkariak jaso duenez.
Atzo, ostirala, gertatu ziren istiluak. Israelgo Indar Armatuek hainbat karga egin zituzten eta zorabioa eragiten duten granadak erabili zituzten herritarrei bandera palestinarrak kentzeko. Bandera hori debekatuta dago Israelen. Palestinarren ikurra kentzeko ahaleginetan, hainbat lagun zauritu zituzten eta hilkutxa erortzear egon zen.
Sei palestinar atxilotu zituzten hiletan. "Hileta saboteatu nahi zuten ehundaka pertsonak hilkutxa lapurtu eta onartuta ez zegoen bide batetik eraman nahi" izan zutelako oldartu behar izan zutela esan zuen atzo Israelgo Poliziak baina irudiek oihartzun handia izan dute nazioartean eta kritika gogorrak eragin dituzte, Nazio Batuetan, AEBn eta Europar Batasunean, batez ere.
Israelek bere Armadaren tiro batek hil ahal izan zuela kazetaria onartu du, baina gaineratu du ezin dela ondoriorik atera kazetaria hil zuen bala izan gabe, eta bala hori Palestinako Fiskaltzaren esku dago.
Palestinako Agitaritzak gaur iragarri duenez, baliteke nazioarteko erakundeek "parte hartzea" ikerketan, baina argi utzi dute Israel ez dela horietako bat izango.
Albiste gehiago mundua
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Bilera erabakigarria gaur Etxe Zurian Ukrainaren etorkizunerako
Zelenski, Europako eta NATOko buruzagiekin batera, Trumpekin bilduko da. AEBko presidenteak esan du gerra "ia berehala" amaitu daitekeela Ukrainak Krimeari eta NATOri uko egiten badie.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.
Ukrainako bakea, fase erabakigarrian: Trump Zelenskirekin bilduko da Putinekin egon ostean
Financial Times hedabide britainiarrak jakinarazi duenez, Errusiaren eskakizunek baldintzatuko dute batzarra: Donetsk eta Luhansk, bake akordioa bermatzeko. Gainera, Ukrainako presidentea ez da bakarrik egongo Etxe Zurian, Von der Leyenekin eta beste buruzagi europar batzuekin batera bertaratuko baita.
Bolivian hauteskunde historikoak dituzte gaur: ia 20 urte geroago baliteke eskuinak agintea eskuratzea
Batasun Aliantzako Samuel Doria Medina enpresaria da inkesten buru, eta oso gertu du Aliantza Libreko Jorge Tuto Quiroga oposizioko kide eta presidente ohia (2001-2002).
Desnutrizioak 250 hildako baino gehiago eragin ditu dagoeneko Gazan, ostiralean hildako 11 lagunak barne
Gazako Osasun Ministerioak emandako datuen arabera, horietatik 108 haurrak dira.