Terrasan bizi ziren bi ahizpa pakistandar torturatu eta hil dituzte, adostutako ezkontza bati uko egiteagatik

20 eta 24 urte zituzten. Joan den astean joan ziren Kataluniatik Pakistanera, bien gurasoek eta osaba-izeba batzuek adostutako ezkontza bat bertan behera uzteko asmoarekin. Orain arte, sei gizon atxilotu dituzte, hilketekin zerikusia dutelakoan.

Arooj eta Anisa Abbas. Agentzietako bideo batetik ateratako irudia. — Terrassan bizi ziren bi ahizpa pakistandar hil dituzte dibortzioa eskatzeagatik

EITB MEDIA

2022/05/24 - 12:10

Azken eguneratzea

2022/05/24 - 12:10

Torturatu eta tiroz hil dituzte, behartutako ezkontza bati uko egiteagatik. Terrasan (Katalunia) bizi ziren bi ahizpa pakistandar dira biktimak, eta haien lehengusu eta osabak hiltzaileak. Joan den ostiralean izan ziren hilketak Pakistango Gujrat herrian, Punjab probintzian.

20 eta 24 urteko bi emakumeak duela urtebete inguru behartu zituzten bi lehengusurekin ezkontzera. Batzuen eta besteen gurasoek adostutako ezkontza bat izan zen, eta emakumeak Bartzelonan eta gizonezkoak Punjaben zeudenez, telematikoki egin zuten zeremonia.

Pakistango Poliziak zabaldutako informazioaren arabera, joan de ostegunean bi emakumeak Gujratera joan ziren, ezkontza bertan behera uzteko asmotan. Banatzea nahi zuten. Han zain zeuden bi gizonezkoek baina, bi ahizpak erabili nahi zituzten, Espainiara migratu ahal izateko. Bitartekari lanak egitea eskatu zieten. Emakumeek uko egin, eta euren asmoen berri eman zietenean, torturatu eta lo zeuden bitartean tiroz akabatu zituzten. "Ohore krimena" deitzen dieten han.

Orain arte, sei gizonezko atxilotu dituzte — emakumeen lehengusuak eta osabak —, hilketekin lotura dutelakoan. "Badaezpadako atxiloaldia ezarri diete sei atxilotuei. Lehen ikerketen arabera, ohore krimenak izan dira. Emakumeek dibortzioa nahi zuten, behartutako ezkontza baten ondoren. Orain, beste gizon batzuekin ezkontzea nahi zuten", adierazi du Poliziak. "Gutxienez beste lau susmagarri" daudela jakinarazi dute ikerketaren arduradunek, tartean, "Espainian dagoen bi ahizpen aita".

Espainiak Islamabaden duen enbaxadako iturrien arabera, bi ahizpek egoitza-baimena zuten Espainian bizitzeko, baina nazionalitate pakistandarra zuten. "Espainiar nazionalitatea ez zutenez, ezin dugu enbaxadak eskaintzen duen laguntza-zerbitzua eskaini", azaldu dute. Halaber, enbaxadatik jakinarazi dutenez, bi ahizpen hilketak "ez dira kasu isolatuak". Azken urteotan, dozenaka laguntza-eskari jaso dituzte, antzeko egoerengatik.

"Ohora krimenak" ohikoak dira Asia hegoaldean. Pakistango Giza Eskubideen Batzordea gobernuz kanpoko erakundeak berriki bildutako datuen arabera, "iaz 478 ohore krimen gertatu ziren Pakistanen". 2004 eta 2018 urteen artean, berriz, 17.628 kasu zenbatu zituzten, baina kopurua askoz handiagoa dela ziur daude, kasu asko ez baitira salatu ere egiten.

Albiste gehiago mundua

Ospakizunak Gazan eta Israelen, Israelek eta Hamasek hitzartutako akordioagatik

Ospakizunak Gazan eta Tel Aviven, Israelek eta Hamasek hitzartutako akordioagatik

Khan Yuniseko gazatarrak kalera atera dira Israelek eta Hamasek ostegun honetan lortutako akordioaren lehen fasea ospatzera. Bestalde, akordioa lehenbailehen onartzeko eskatu diote bahitu israeldarren familiek Benjamin Netanyahu Israelgo lehen ministroari, "bahituentzat eta soldaduentzat ondorio larriak" saihestu aldera.

Mikel Ayestaran: "Agian larunbatean edo igandean izango da (bahitu israeldarren eta preso palestinarren) trukea"

Mikel Ayestaran EITBren Ekialde Hurbileko berriemaileak azaldu duenez, Israelek eta Hamasek adostutako su-etena eguerdian sartuko da indarrean (11:00ak Euskal Herrian). Hortik aurrera, 72 orduko epea irekiko da Gazarako bake-planaren lehen fasean adostutakoa gauzatzeko, tartean, bahitu eta preso palestinarren trukea eta Israelgo Armadaren erretiratze partziala.

nited States President DONALD J TRUMP makes a statement as he displays a signed Executive Order in the Oval Office of the White House in Washington, D.C.

Trump, Bakearen Nobel sariaren irabazlea ezagutu atarian: "Agian aitzakia bat aurkituko dute niri ez emateko"

Israel eta Hamasen arteko akordioaren berri izan aurretik, Ameriketako Estatu Batuetako presidenteak Bakearen Nobel Saria merezi duela berretsi du zazpi gerrari amaiera eman dielakoan.

Trumpek igandean joan asmo du Ekialde Hurbilera

Bakearen Nobel Saria jaso gura lukeen AEBko agintariak, Truth Social sarean zabaldu diu akordioaren berri. "Israelek bere tropak erretiratuko ditu bake sendo, iraunkor eta betiko baterako lehen urrats gisa adostutako ildo batera", esan du Trumpek, eta gaineratu du "bahitu GUZTIAK laster askatuko" dituztela.

Gaza City (---), 07/10/2025.- Smoke rises near the Islamic University following Israeli air strikes during an Israeli military operation in Gaza City, Gaza Strip, 07 October 2025. According to the UN around 90 percent of the population or 1.9 million people in Gaza have been displaced since the start of the conflict. More than 67,000 Palestinians have been killed in the Gaza Strip since October 2023, according to the Palestinian Ministry of Health, and about 1,200 Israelis have been killed since the launch of an Israeli military campaign in response to a cross-border attack by Hamas on 07 October 2023. EFE/EPA/MOHAMMED SABER

Zer dakigu Gazako bake-planari buruz?

Israelek eta Hamasek ostegun honetan hitzartu duten bake-planaren lehen fasean, Gazako Zerrendan egindako erasoaldia bertan behera utzi beharko luke Israelek. Hamasek bizirik dauden bahitu eta hildako guztiak entregatu beharko lituzke, eta Israelek ia 2.000 preso palestinar askatu.

Trumpek Fox Newsen iragarri du Gazarako bake akordioa

Donald Trump AEBko presidenteak adierazi duenez, Hamas Erresistentzia Islamikoaren Mugimenduaren eskuetan dauden bahituak "ziurrenik" urriaren 13an askatuko dituzte, Gazako Zerrendaren etorkizunerako planaren lehen fasean, talde palestinarrak eta Israelgo agintariek akordio bat lortu dutela iragarri eta gutxira. "Ziurrenik astelehenean itzuliko dira guztiak, eta horrek hildakoen gorpuak ere hartuko ditu", adierazi du Fox News telebista-kate estatubatuarrari eskainitako elkarrizketa batean. "Une honetan bahituak askatzeko hainbat ekintza egiten ari dira", adierazi du, "egoera izugarri batean daudelako". Etxe Zuriko maizterrak hitzeman duenez, "Gaza leku seguruagoa izango da, berreraikiko da eta inguruko beste herrialde batzuek berreraikitzen lagunduko dute, aberastasun handia dutelako eta hori gertatzea nahi dutelako".

GAZA, Oct. 8, 2025 -- This photo taken on the Rashid road, the coastal road west of Gaza City, shows Palestinians from the northern Gaza Strip fleeing to the south amid the large-scale Israeli military operation in Gaza City, Sept. 18, 2025. As Hamas and Israel are meeting in Egypt over a potential ceasefire the world anxiously awaits, Gaza marked the grim second anniversary of the conflict on Tuesday.
Over the past two years, what began as a cross-border attack by Hamas has, under the weight of political brinkmanship and superpower indulgence, snowballed into one of the world's deadliest conflicts in recent memory, adding yet another open wound to a region already scarred by conflicts and grievances.
Despite the ongoing peace talks, analysts warn that as long as the core rights of the Palestinian people are sidelined, enduring peace in the Middle East will remain little more than a pipe dream.

Europa Press/Contacto/Rizek Abdeljawad

08/10/2025

Israelek eta Hamasek akordioa lortu dute Gazarako bake-planaren lehen faseari buruz

Akordioaren arabera, Hamasek 48 bahituak aske uztearen truke Israelek 2.000 bat preso palestinar libre utziko ditu. Donald Trump AEBko presidenteak eman du akordioaren berri, eta ondoren bi aldeek eta bitartekariek baieztatu dute.

PARIS (France), 06/10/2025.- French outgoing Prime Minister Sebastien Lecornu delivers a statement at the Hotel Matignon in Paris, France, 06 October 2025. Lecornu presented his resignation to the French president on 06 October, shortly after his cabinet was unveiled and nearly a month after being appointed as prime minister. (Francia) EFE/EPA/STEPHANE MAHE / POOL MAXPPP OUT

Macronek lehen ministro berri bat izendatuko du asteburua baino lehen, Lecornuren gomendioa aintzat hartuta

Frantziako jarduneko lehen ministroak bere “misioa bukatutzat” eman du, eta Macroni gomendatu dio lehen ministro berria izendatzeko. Oraindik, akordiorako aukera badela sinetsita dago, eta horregatik, hauteskundeak ez aurreratzeko aholkatu dio.

Bahituen eta preso palestinarren zerrendak trukatu dituzte Gazako su-eten planaren elkarrizketetan

Hamasek iragarri du elkartrukea elkarrizketen hirugarren egunean. AEBko Ekialde Ertainerako ordezkaria, Steve Witkoff, eta Trumpen suhia, Jared Kushner, Egiptora iritsi dira negoziazioetan parte hartzeko. Hurrengo orduetan Jihad Islamikoaren eta Palestina Askatzeko Herri Frontearen ordezkariak espero dituzte.

STOCKHOLM (Sweden), 08/10/2025.- (L-R) Nobel Committee for Chemistry Chairman Heiner Linke, Royal Swedish Academy of Sciences Permanent Secretary Hans Ellegren, and Nobel Committee for Chemistry member Olof Ramstrom present the Nobel Prize in Chemistry 2025 during a press conference at the Royal Swedish Academy of Sciences, in Stockholm, Sweden, 08 October 2025. The Nobel Prize in Chemistry 2025 was awarded to Susumu Kitagawa, Richard Robson and Omar M. Yaghi 'for the development of metal-organic frameworks.' (Suecia, Estocolmo) EFE/EPA/FREDRIK SANDBERG/TT SWEDEN OUT

Susumu Kitagawak, Richard Robsonek eta Omar Yaghik irabazi dute Kimikako Nobel saria, egitura metalorganikoak garatzeagatik

2025eko Kimikako Nobel sariaren irabazleek espazio zabalak dituzten egitura molekularrak sortu dituzte, eta horietan barrena gasak eta beste substantziak kimiko batzuk jariatzen dira. Aipaturiko egitura metalorganiko horiek erabili daitezke, esaterako, basamortuko airetik ura ateratzeko, karbono dioxidoa xurgatzeko, gas toxikoak biltzeko eta erreakzio kimikoak katalizatzeko.