Pakistanen eraildako bi ahizpak behartuta joan ote ziren ikertzen ari dira Mossoak
Esquadra Mossoek ikerketa abiatu dute Pakistanen eraildako bi ahizpak herrialdera behartuta joan ote ziren argitzeko. Emakumeen aita eta beste senitarteko batzuk galdekatu dituzte azken orduetan. Emakumeak Terrassan (Bartzelona) bizi ziren, baina herrialdera joan ziren behartutako ezkontza bat baliogabetzen saiatzera.
Aneesa eta Arooj Abbass 20 eta 24 urteko ahizpen aitak agenteei esan dienez, alabak etxetik joan zirenetik ez zuen eurekin hitz egin.
Polizia Fiskaltzarekin dago harremanetan, Katalunian egindako ikerketaren harira delitu zantzuren bat atzemateko.
Bien bitartean, emakumeen familiako bi kidek—Muhamed Hanif osaba eta Shehryar Abbas neba— aitortu dute bi emakumeak hil zituztela. Beste lau gizon, horiek ere senitartekoak, atxilotuta daude hilketarekin zerikusia dutelakoan.
"Muhammed Hanifek eta Shehryar Abbasek ohoreagatik hil zituztela esan dute, gazteek beste gizon batzuekin ezkondu nahi zuten Espainian", argitu du Akhtar Hussain Pakistanen ikerketaren ardura duen agenteetako batek .
Pakistango Gujrat herrian, Punjab probintzian, egin zuten hilketa. Duela urtebete, lehengusuekin ezkontzera behartu zituzten bi emakumeak. Berriki, bi gizonak Espainiako Estatura emigratze laguntzeko eskatu zieten Abbass ahizpei, eta hara joateko eskatu. Pakistango Poliziak uste du "amarrua" izan zela dena. Izan ere, hara heltzean emakumeek uko egin zioten bi gizonekin Espainiara itzultzeari; are gehiago, ezkontza bertan behera uztea eskatu zuten.
Ata Ur Rahman Gujrat barrutiko poliziaburuak azaldu duenez, hilketaren lekuan probak eskuratu dituzte eta gizonek "Pakistango legeak aurreikusten duen zigor handiena, heriotza zigorra, jasoko dute".
Terrassako Udalak bi dolu egun (atzo eta gaur) ezarri ditu hilketa matxistagatik.
Albiste gehiago mundua
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Bilera erabakigarria gaur Etxe Zurian Ukrainaren etorkizunerako
Zelenski, Europako eta NATOko buruzagiekin batera, Trumpekin bilduko da. AEBko presidenteak esan du gerra "ia berehala" amaitu daitekeela Ukrainak Krimeari eta NATOri uko egiten badie.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.
Ukrainako bakea, fase erabakigarrian: Trump Zelenskirekin bilduko da Putinekin egon ostean
Financial Times hedabide britainiarrak jakinarazi duenez, Errusiaren eskakizunek baldintzatuko dute batzarra: Donetsk eta Luhansk, bake akordioa bermatzeko. Gainera, Ukrainako presidentea ez da bakarrik egongo Etxe Zurian, Von der Leyenekin eta beste buruzagi europar batzuekin batera bertaratuko baita.
Bolivian hauteskunde historikoak dituzte gaur: ia 20 urte geroago baliteke eskuinak agintea eskuratzea
Batasun Aliantzako Samuel Doria Medina enpresaria da inkesten buru, eta oso gertu du Aliantza Libreko Jorge Tuto Quiroga oposizioko kide eta presidente ohia (2001-2002).