Pandemian egindako festengatik Johnsonek erantzun egin beharko duela esan du kasua ikertu duen funtzionarioak
Covid-19aren pandemia garaian Downing Streeteko 10.ean eginiko festak — Party Gate izenez ezagunak — ikertu dituen Sue Gay funtzionario britainiarrak gaur ezagutarazi du bere txostenaren edukia. Goizean utzi du 37 orriko dokumentua Boris Johnson Erresuma Batuko lehen ministroaren eskutan, eta, dagoeneko, zabaldu dira hainbat xehetasun. Besteak beste, "lidergo akats nabarmenak" daudela iritzita, Johsonek erantzun egin beharko duela jaso du ikerketak.
Orain arte argitaratu gabeko argazki gehiago ere bildu ditu bere txostenean Gayk. Festa giroan eta jan-edanean ikusten da horietan lehen ministroa, bakarren batean alkoholdun edariren bat eskuan duela. "Jai horietako gehienetan ez ziren covidagatik ezarritako murrizketak eta osasun gomendioak errespetatu", esan du ikerketaren arduradunak.
Horrez gain, egindako ospakizunetan "pertsona askok" parte hartu izanaren zantzuak ere ikusten ditu txostenaren egileak, eta garai hartan "presiopean" egoteak ez duela egindakoa justifikatzen azaldu du. "Ikertu ditudan gertaerak ez ziren gertatu behar. Gobernuko goi-arduradun asko joan ziren ekitaldiotara, eta ondoriozta dezakegu horien menpeko langile askok uste zutela joan zitezkeela, beren nagusiek hala egiten zutelako", jasotzen du dokumentuak.
Egindakoa "argitzea" eta dagokionak "ardurak bere gain hartzea" ezinbestekoa dela uste du funtzionarioak. Bere iritziz, Johnson eta haren lantaldeko goi-kargudunak dira erantzuleak, agintariei eskatzen zaien "portaera eredugarria urruti" geratu baitzen.
Barkamena eskatu du Johnsonek
Txostena ezagutu ondoren Komunen Ganberan egindako agerraldian, Johnsonek barkamena eskatu duen arren, bere Gobernuak egindako lana defendatu du, beste behin, eta pandemia garaian herritarrei laguntza eskaintzea lehenetsi zutela adierazi du.
Egindako lanagatik eskerrak eman dizkio Grayri, eta bere Kabinetearen bulegoan egindako "festa txikia" izan zela nabarmendu du, gaurkoan ere. "Han gertatutakoa neure gain hartzen dut, neu naiz gertatuko guztiaren arduraduna", esan du. Isuna jarri zioten ospakizun horrengatik.
Halere, txostenak aipatzen dituen gainerako festa guztietan berak ez zuela parte hartu argitu du, eta horien inguruko argibide gehiago emateko eskatu dio Gray funtzionarioari.
Albiste gehiago mundua
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.