Hiru gizonen aurkako sexu erasoak egotzi dizkiote Erresuma Batuan Kevin Spacey aktoreari
Britainiar Fiskaltzak hiru gizonen aurkako lau sexu eraso leporatu dizkio ostegun honetan Kevin Spacey 62 urteko aktore estatubatuarrari. Ustez, 2005 eta 2013 artean gauzatu zituen eraso horiek, Erresuma Batuan.
Rosemary Ainslie fiskaltzako krimenerako dibisio bereziko zuzendariak adierazpen batean azaldu duenez, gainera, "pertsona bati haren onespenik gabe penetraziozko sexu jarduera batean parte hartu araztea ere egotzi diote".
Bi sexu eraso jasotzen dituzte karguek 2005eko martxoan, Londresen, 1 zenbakiko auzi-jartzaile deritzon gizon baten aurka. 2008an, berriz, hirugarren eraso bat egotzi diote 2 zenbakiko auzi-jartzailearen aurka, kasu honetan ere baimenik gabe penetraziozko jarduera batean parte arazteagatik.
Laugarren sexu erasoa, 3 zenbakiko auzi-jartzailearen aurkakoa, 2013ko apirilean gertatu zen ustez, Gloucestershire konderri ingelesean.
Ainsliek oharrean zehaztu duenez, Londresko Polizia Metropolitarraren ikerketa batean bildutako datuak berrikusi ostean leporatu dizkiote karguok.
"Koroaren Fiskaltza Zerbitzuak interesdun guztiei gogora ekartzen die Spaceyren aurkako prozesu penalak aktibo daudela eta bidezko epaiketa baterako eskubidea duela", adierazi du fiskalak, eta azpimarratu du auzitegi batek soilik erabakiko duela bere errugabetasuna edo erruduntasuna.
Aktore estatubatuarra Londresen bizi izan zen zenbait urtetan zehar, eta The Old Vic antzokiko zuzendari artistiko izan zen 2004 eta 2015 artean.
Londresko areto entzutetsu horretako arduradunek 2017an adierazi zutenez, Spaceyk sexu abusuak egin zizkiela baiesten zuten 20 pertsonaren kexak jaso zituzten. Gainera, aurretik ere leporatu izan dizkote gisa horretako delituak AEBn.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.