Erregulazioaren inguruko eztabaida betean ekingo dio asteburu honetan AEBko arma-lobbyak urteroko biltzarrari
Ameriketako Estatu Batuetako arma-lobby handienak, Erriflearen Elkarte Nazionalak (NRA, ingelesezko sigletan), bere urteroko biltzarraren ateak irekiko ditu gaur Houstonen, azken hilabete suzko armekin izandako bi sarraskiren itzalpean.
Azkena joan den asteartean, 18 urteko gizon bat, legez eros zezakeen errifle erdiautomatiko batekin armatuta, Uvaldeko (Texas) lehen hezkuntzako eskola batean sartu zen eta 19 haur eta bi maisu hil zituen.
Duela bi aste baino gutxiago, supremazista zuri batek, errifle erdiautomatiko batekin honek ere, 10 pertsona beltz hil zituen tiroz Bufaloko supermerkatu batean, New Yorken.
NRAren webguneko orri batean mezu bakarra ageri da Texaseko hilketaz, "doluminik sakonenak" eskainiz astearteko biktimei. Gainerako orrialdeetan bilera eta elkartea goratzeko edukiak baino ez dira ageri, bai eta bertan parte hartuko dutenak ere, errepublikanoak eta Donald Trump presidente ohia bera barne.
"Houstonen biltzen garenean, gertaera horiei buruz hausnartuko dugu, biktimen alde otoitz egingo dugu, gure herrikideak aintzat hartuko ditugu eta gure konpromisoa areagotzeko lan egingo dugu, gure eskolak seguruak izan daitezen", esan du NRAk ohar batean.
Nahiz eta 5 milioi kide inguru izan eta arma-salmenta goraka doan, bidea ez dago erabat garbi NRArentzat. Izan ere tiroketen itzalaz gain, barne liskarrak dituzte eta ustelkeria eskandaluen eta finantza ezegonkorren aurka borrokatzen ari da.
Blokeo politikoa erregulazioari
Karine Jean-Pierre Etxe Zuriko bozeramaileak adierazi duenez, NRAk indarkeria armatuaren arazoa areagotzen du, ez dituztelako armen jabeak ordezkatzen, "neurriak hartu behar ditugula dakitenak", baizik eta arma fabrikatzaileen eta merkaturatzaileen lobbya.
Zentzu horretan, "lotsagarritzat" jo du NRA eta bere aliatuak "bizitzak salbatuko lituzteketen neurriak hartzea oztopatzen aritzea", zer eta "komunitateak izutzen dituzten pertsonengandik armak urrun mantentzeko" bide horretan.
Estatubatuarrek Konstituzioan aitortuta dute armak izateko eskubidea eta eskubide hori babesten du gehiengoak, bai eta jabetza hori arautzea ere. AReuters/Ipsos-ek asteazkenean egindako inkesta baten arabera, estatubatuarren % 66, errepublikanoen % 53 barne, armen jabetzari buruzko erregulazio moderatu edo zorrotzen alde leudeke.
Hala ere, gaur-gaurkoz ia ezinezkoa da horrelako edozein ekimen aurrera ateratzea AEBetako Senatuan; izan ere, demokratek gehiengo estua dute han eta gutxienez hamar errepublikano konbentzitu beharko lituzkete gisa horretako neurriak onartzeko; kontserbadoreak, ordea, su-armak kontrolatzeko edozein neurriren aurka agertu izan dira beti, sistematikoki.
Zure interesekoa izan daiteke
?fmt=webp-alpha&qlt=80)
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.
Leon XIV.a aita santuak gerraren aurkako aldarria egin du eta armak uzteko eskatu du
Tradizioan ez bezala, non pontifizeek mundu mailako diskurtsoa erabiltzen duten nazioarteko tentsio-guneak errepasatzeko, Leon XIV.ak ikuspegi orokor baten alde egin du, eta axolagabeak ez izateko eta gaitzaren, gorrotoaren eta gerraren aurrean ez etsitzeko eskatu du.