Erresuma Batuak omenaldia egin dio garai baten ikur izan den monarkari
Erresuma Batuak omenaldi sutsua egin dio ostegun honetan Elizabeth II.a erreginari; azken mendean zehar herrialdeko ikur izan den emakumeari, alegia. Bere agurra jasotzeko Londresko Buckingham jauregira hurbildu diren milaka pertsonaren beroa jaso du gaur.
Duela hiru mendetik monarka britainiarren urtebetetzeak ospatzeko egiten den "Trooping the colour" desfile militarrak eman dio hasiera Platinozko Jubileuari. Lau egunean zehar, Elizabeth II.ak tronuan emandako 70 urteak omenduko ditu ospakizunak. Erregistroen arabera, Europako subirano handien artean, Frantziako Luis XIV.ak bakarrik (1643-1715) izan zuen erregealdi luzeagoa.
Buckingham Jauregiak jakinarazi duenez, Isabel II.a "ondoezik" dago orain eta, ondorioz, ezin izango du ostiralean Londresko San Pablo katedralean izango diren ekitaldietan parte hartu.
Osasun egoera ahula gorabehera, subiranoa balkoira atera da ostegunean, tropak ikuskatzera eta jauregiaren tribuna eta inguruetan bildu diren milaka pertsonak agurtzera. Era berean, britainiar lurralde osoan zehar banatutako 3.500 baliza pizteko gauean egingo duten zeremonian ere izango da.
96 urte dituenaren eta aurtengoa azken jubileua izan litekeenaren jakitun, berotasun berezia azaldu dute bertaratutakoek. "Hip hip... hurra!" oihukatu dute milaka eztarrik aho batez, familia errealaren gainetik 70 hegazkin militar hegan zebiltzan bitartean.
Jendetza Buckingham jauregiaren aurrean. Argazkia: EFE
Carlos seme eta oinordekoak lagundu du erregina, bere eskuinaldean. Zaldi gainean iritsi da jauregira, desfileko tropak ikuskatu ostean.
Ez dira balkoian izan Andres printzea, Jeffrey Epstein sexu-delitugilearekin harremana izandakoa eta orain sozialki baztertua; ezta Enrique eta Meghan Sussexeko dukeak ere, jada familia errealaren parte aktibo ez direnak.
Britaniarrek Elizabeth II.ari dioten errespetua nabarmendu dute ETBn bertan bizi diren euskal herritarrek.
Oraingoz, ezin da jakin erreginaren osasunak ospakizunean zenbaterainoko eragina izango duen, azken hilabeteotan ez baita zenbait erakunde ekitalditan izan; haren osasuna eztabaida publikoaren jomuga bilakatu delarik.
Maiatzean Parlamentuaren irekiera galdu zuen, "mugikortasun arazoak" medio. Duela zenbait egun, berriz, iragarri zuen ez zela lorategi errealetan izaten diren udako jaietan izango.
Gainera, Isabel II.ak koronabirusa hartu zuen otsailean eta, gaixotasuna gainditu ostean, "oso nekatuta eta ahituta" sentitzen zela aitortu zuen.
Subiranoak 70 urtetik gora daramatza tronuan. Hala ere, ez da munduan erreinaldirik luzeena izan duen estatuburua. Lehenengo postua Frantziako Luis XIV.ak dauka: 72 urte eta 110 egun iraun zuen agintean. Bigarren postuan, Thailandiako Bhumibol Adulyadej dago. Azken horrek 70 urte eta 126 egun egin zituen.
Zure interesekoa izan daiteke
Iranek errefusatu egin du AEBk egindako bake proposamena, "gehiegizkoa" dela iritzita
Irango agintariek behin eta berriz esan dute Ameriketako Estatu Batuek eta Israelek Iranen aurkako "erasoa eta hilketak" gelditu behar dituztela, baita Teheranen aurkako erasoa ez errepikatzeko mekanismo zehatzak garatu ere, besteak beste.
Ezkerreko blokea nagusitu da Danimarkan, baina akordioak beharko ditu
Moderatuek edukiko dute Gobernua osatzeko giltza: 14 eserleku lortuta, ezkerreko blokearen (84) eta eskuinekoaren (77) artean erabaki beharko dute.
AEBk gerra amaitzeko 15 puntuko plana aurkeztu dio Irani, "The New York Times" egunkariaren arabera
Irango programa nuklearra desegitea eta Ormuzko itsasartea irekitzea omen daude planean. Bien bitartean, Teheranek Washingtonekin zuzeneko negoziazioak daudela ukatu egin du, eta Israelen eta AEBko baseen aurkako erasoekin jarraitu du.
Ekialde Hurbilera 3.000 soldadu bidaltzea aztertzen ari da AEB
Hainbat hedabideren arabera, 82. Aireko Brigada —aireko operazioaetako eliteko unitate epezializatua— bidali nahi du Trumpek Ekialde Hurbilera, Iranen aurkako operazio militarrean parte hartzera.
Israelek adierazi du "segurtasun eremu bat" ezarri eta kontrolatuko duela Libano hegoaldetik Litani ibairaino
Israelgo Defentsa ministroak adierazi duenez, Israel iparraldean bizi direnen segurtasuna bermatzen den arte ez dira itzuliko Libano hegoaldetik iparraldera ebakuatu dituzten ehunka mila herritarrak.
Bruselak Hungariari eskatu dio argitu dezan Errusiari egin omen dizkion filtrazioen auzia
Hungariak ukatu egin du Errusiari Europar Batasuneko barne gaiei buruzko informazioa ematen ari zaiola, eta "albiste faltsutzat" eta "gezurtzat" jo ditu horren inguruan hedabideetan agertu diren informazioak.
EBk eta Australiak merkataritza libreko akordioa sinatu dute, ia hamar urteko negoziazioen ondoren
Horri esker, Australiak guztira 1.000 milioi euroko balioa duten muga-zergak kenduko ditu. Merkataritzan ez ezik, Defentsan eta Segurtasunean ere elkarlanean aritzea adostu dute bi aldeek.
Gutxienez 66 lagun hil eta 70 zauritu dira, Kolonbian, hegazkin militar batek izandako istripuan
C-130 Hercules aireontzia Puerto Leguizamo-Puerto Asis bidea egiten ari zen, eta Armadako langileak zeuden barruan istripua izan duenean. Guztira, 128 pertsona zeuden hegazkinean.
EAEko Osasun arloko lan-eskaintzetako hizkuntza-eskakizunen eskumena "nazionala” dela ondorioztatu du Europako Batzordeak
Bruselak horrela erantzun dio Espainiako herritar batek aurkeztutako ekimen bati. Horrek salatzen zuen Osasun arloko lanpostu publikoetara sartzeko euskara eskatzea neurriz kanpoko oztopoa izan daitekeela profesional kualifikatuentzat, eta arretaren kalitaterako kaltegarria izan daitekeela.
Trumpek bost egunez atzeratu du zentral elektrikoen aurkako eraso-oldea, Iranekin "elkarrizketa oparoa" izan baitu
"Azken bi egunetan" Iranekin gatazka "erabat konpontzeko" harremanak izan dituela jakinarazi du AEBko presidenteak. Irango Atzerri Ministerioak aitortu du AEB eurekin harremanetan jarri zela, baina azpimarratu du ez dela negoziaziorik izan.