Bidenek ohartarazi du Kapitolioko erasoa antolatu zuten indarrek aktibo dirautela
Joe Biden Estatu Batuetako presidenteak ostiral honetan ohartarazi duenez, 2021eko urtarrilaren 6an Kapitolioaren aurkako erasoa eragin zuten "indarrek" aktibo diraute egun.
Los Angeleseko portuan eskainitako hitzaldi baten hasieran egin ditu adierazpenok agintariak, erasoa ikertzen ari den batzordeak bart lehen entzunaldi publikoa egin ostean.
Bidenek esan duenez, ezin izan du audientzia ikusi "beste gaiekin lanpetuta" zegoelako ostiral honetan amaitzekoa den Ameriketako Gailurrean.
"Garrantzitsua da estatubatuar biztanleriak benetan gertatu zena ulertzea, eta urtarrilaren 6koa eragin zuten indar berdinek egun aktibo dirautela ulertzea", adierazi du.
Kapitolioaren aurkako erasoa Estatu Batuetako historiako "unerik ilunenetako bat" izan zela esan du, eta estatubatuar demokraziaren aurkako "eraso basatitzat" jo du.
"Geure demokrazia propioarekin dauka honek zerikusia. Geure demokrazia babestu behar dugu", baietsi du agintariak.
Gaineratu duenez, "AEBko arimaren aldeko guda irabaztetik urrun gaudela ikusten ari gara. Baina badakit batu gaitezkeela eta nazio hau defenda dezakegula, demokratek eta errepublikanoek, inork ez dezan dagarik ipini gure demokraziaren eztarrian".
Herrialdeko telebista kate gehienek zuzenean eskaini dituzten bideo eta lekukotasunek markatu dute Kapitolioko erasoa ikertzen duen batzordearen lehen entzunaldia. Audientzia maximoko ordutegian eman dute, estatubatuar iritzi publikoarengan eragiteko saiakeran.
Kapitolioko erasoa orduko Donald Trump (2017-2021) presidenteren Estatu kolpe saiakeraren "une gorena" izan zela frogatzen ahalegindu dira batzordeko ikertzaileak. Gainera, adierazi dute balitekeela Proud Boys talde ultraeskuindarrak erasoa aurretiaz antolatu izana.
202eko urtarrilaren 6an, 10.000 pertsona inguru (Trumpen aldekoak gehienak) Kapitoliorantz abiatu ziren, eta 800 inguru eraikinean sartu ziren, 2020ko presidentetzarako hauteskundeetan Bidenek lortutako garaipena ziurtatuko zuen saio parlamentarioa eteteko.
Bost pertsona hil ziren, tartean erasotik ordu batzuetara bihotzekoa izan zuen polizia bat, eta 140 agente inguru zauritu zituzten. Gainera, lau poliziak euren buruaz beste egin zuten ondoren.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.