Mariupol, gosetearen eta krisi-humanitarioaren atarian
Gutxienez 22.000 lagun hil ziren Mariupolen, Donetsk eskualdeko hiri nagusienetakoan, apirila eta maiatza bitartean jasandako setioan. Hala ziurtatu du errusiarrak sartzean hiria utzi zuen alkateak tokiko telebista batean, eta azaldu du egunean 70 eta 200 gorpu artean ateratzen dituztela.
Ukrainako agintarien arabera, hiriaren % 80 erabat suntsituta dago. Gerra hasi aurretik milioi erdi lagun bizi ziren hirian; gaur egun 100.000 inguruk eusten diote bertan, Kievek dioenez, "baldintza humanitario negargarrietan".
Gorpuak ateratzeko lanari, gosea gehitu behar zaio. Petro Andriushchenko alkatearen albokoak, astelehenean esan zuenez, "Metro merkatalgune zaharrean laguntza humanitarioa (elikagaiak, funtsean) lortzeko ilaratan, 1.500 eta 2.000 lagun egoten dira egunero; ez dago ur edangarririk, eta ez dago hura nondik lortu".
Garbitasun eta osasungarritasun baldintza eskasak, eta era guztietako baliabide faltak, gainera, gaixotasunak ugaritzen hastea ekarri du, eta agintariek ohartarazi dute kolera agerraldi bat etor daitekeela, maiatzetik ari baitira kasuak agertzen.
Erresuma Batuko Defentsa ministerioak aditzera eman du Mariupolgo osasun-zerbitzua kolapsatzeko zorian egon daitekeela jada, eta kolera-agerraldi batek, oso egoera latzean utziko lukeela. Beste hiri batzuetan, Khersonen, esaterako, sendagaiak agortzen ari zaizkiela ere ohartarazi dute.
Erresuma Batuak adierazi du Errusia saiatzen ari dela bere kontrolpean dauden lurraldeetan biztanleei oinarrizko zerbitzu publikoak ematen. "Edateko uraren eskuragarritasuna ez da egonkorra izan, eta telefonia eta Internet zerbitzuek etenaldi luzeak dituzte oraindik", esan du Twitterren.
Bien bitartean, borrokek Sieverodonetsken inguruan jarraitzen dute. Errusiak hiriaren zatirik handiena kontrolatzen du berriz ere, baina gutxi aurreratu dute iparraldetik eta hegoaldetik eremu zabalena inguratzeko ahaleginetan. Herri hori bereganatzeak Errusiari Donbass osoa kontrolatzea ahalbidetu liezaioke.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.