10 urteko kartzela zigorra ezarri diote Jeanine Añez Boliviako presidente ohiari
Jeanine Añez Boliviako presidente ohiari 10 urteko kartzela zigorra ezarri diote 2019an bere burua presidente izendatzeagatik. Zehazki, azaroaren 10ean, Evo Moralesek kargua utzi eta azaroaren 12an Añezek presidentzia hartzeko gertatu zenagatik zigortu dute. Ofizialismoak beti esan izan du gertatua "Estatu kolpea" izan zela.
Golpe II izenez ezagutzen den prozesu judizialaren epaia birtualki eman du ezagutzera La Pazeko Epaibiderako Lehen Auzitegiak. Betebeharrak ez betetzeagatik eta Konstituzioaren aurkako erabakiak hartzeagatik zigortu dutela Añez dio testuak. Epaia, osorik, ekainaren 15ean emango dute ezagutzera.
Luis Arceren gobernua pozik agertu da epaia jakitean, "aurrekari historikoa" ezarri delako, "inoiz, inolaz ere, pertsona batek bere burua herrialdeko presidente izenda ez dezan". Justizia Ministerioak zabaldu duen oharraren arabera, "demokrazia berreskuratzeko prozesuan, pauso garrantzitsua eman da" eta prozesuaren "irizpideak, bermeak eta independentzia" goraipatu ditu.
"Golpe II auziko epaia aurrekari historikoa da, ordena konstituzionala hautsi eta estatu-kolpe bat berriro gerta ez dadin. Historiararako garbi geratzen da bide demokratikoa eta konstituzionala dela boterera iristeko bide bakarra", dio oharrak.
Jeanine Añez 2021eko martxoaren 13an atxilotu zuten 'Estatu kolpea' auziaren baitan. Oraindik ere hainbat auzi ditu irekita, 2019ko krisian izandako hilketen ingurukoak, adibidez.
Nazio Batuek epai osoa publiko egin ostean baloratuko dute
Giza Eskubideetarako Nazio Batuen Goi Komisarioaren Bulegoaren Boliviako Misioak (OACNUDH) "Jeanine Añezen eta beste 8 inputaturen aurkako prozesu judizialari buruzko nazioarteko behaketa" egiten ari dela jakinarazi du. Erakundeak gogorarazi duenez, nazioarteko behaketa hori Boliviako Justizia Ministerioak eskatu zion eta "bai aldeek baita organo judizialak ere onartu egin zuten".
Euren ebazpena "epaia osorik eman eta irakurri ondoren" egingo dutela publiko esan dute. Printzipioz, ekainaren 15ean.
Aznarrek eta Latinoamerikako 22 presidente ohik Añezi ezarritako zigorra kritikatu dute
Espainiako presidente ohi Jose Maria Aznarrek eta Latinoamerikako 22 presidente ohik, Carlos Mesa Boliviako oposizioko buruzagiak barne, Añezen kontra "asmatutako akusazio batengatik" ezarritako 10 urteko kartzela zigorra kritikatu dute. "Existitu ez zen gertaera bati buruz asmatutako salaketa da. Presidente ohia legez kanpo atxilotuta dago. Atxilotuta zegoela, gutxieneko oinarririk ez duen prozesu hori ireki zitzaion", argudiatu dute presidente ohiek Espainiako eta Ameriketako Ekimen Demokratikoa (IDEA) izenekoak kaleratutako adierazpen batean.
Presidente ohiek Nazio Batuen Erakundeari, Amerikako Estatuen Erakundeari (AEE) eta EBri eskatu diete "modu arbitrarioan, gehiegikeriaz, legez kanpo eta Konstituzioaren aurka emandako Añezen kontrako epaia errefusatzeko".
Albiste gehiago mundua
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.