Macronek Asanblea Nazionalean duen gehiengo osoa gal dezake igandeko hauteskundeetan
Asanblea Nazionalerako hauteskundeen bigarren itzulia egingo da igande honetan Frantzian. Lehen itzulian, berdinketa teknikoa egon zen Emmanuel Macron presidentearen Ensemble aliantzaren eta Jean-Luc Melenchon buru duen Nupes ezkerreko koalizioaren artean.
Inkesten arabera, Ensemblek irabaziko ditu hauteskundeak, baina gaur-gaurkoz Emmanuel Macron presidentearen alderdiak Frantziako Parlamentuan duen gehiengo osoa gal dezake. Guztira, 577 eserleku ditu eta, beraz, gehiengo osoa izateko 289 behar dira. Azken inkestek 255 eta 295 artean aurreikusten dizkiote.
Nupes ezkerreko koalizioari ere goranzko joera aurreikusten diote. Itxuraz, 150 eta 210 ordezkari artean lor ditzake, oposizioko lehen indarra bihurtuz.
Orain arte bigarrena den Errepublikanoak alderdiak behera egin eta bere ordezkaritzaren ia erdia gal dezake. Gaur egun, 112 ditu eta inkestek 50 eta 80 inguruan ematen dizkiote.
Marine Le Penen eskuin muturrak 10 eta 45 eserleku bereganatu ditzake. Gaur egun, 8 ditu.
Frantziako hauteskunde legislatiboetarako kanpaina gaur amaituko da. Gainera, gaur argitaratuko dira azken inkestak ere. Orain arte, guztiek aurreikusi dute bloke makronista alde handiarekin nagusituko dela. Hala ere, ez dago oso argi gehiengo osoari eutsiko ote dion.
Lehen itzulian, Macron presidentearen aldeko blokea eta koalizio ezkertiarra pare-parean gelditu ziren. Emaitza ofizialen arabera, Macron presidentearen aldeko blokeak botoen % 25,75 eskuratu zuen, eta Nupes koalizio ezkertiarrak, aldiz, % 25,6. Hain zuzen ere, 21.442 botoren aldea egon zen bi koalizioen artean.
Frantzia 577 barrutitan banatuta dago eta bakoitzean ordezkari bat aukeratuko da. Jokoan dauden eserleku horietatik hiru Ipar Euskal Herriari dagozkio (4. 5. eta 6. barrutiak), nahiz eta laugarrena Biarnorekin partekatzen duen. Laugarren hautesbarrutiak barnealdea eta Bearnoko zati bat hartzen ditu, bosgarrenak, Baiona, Angelu bare hartzen ditu, Bidaxunerria, Amikuze eta Oztibarre kantonamenduraino, eta seigarrenak, Lapurdi kostaldea hartzen du Itsasuraino.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.