AEBko Gorenak armak publikoki eramatearen aldeko epaitza eman du
Estatu Batuetako Auzitegi Gorenak konstituzionaltzat jo du ostegun honetan armak publikoki eta etxetik kanpo eramatea, Bigarren Zuzenketaren barruan, aldeko sei botorekin eta aurkako hirurekin.
Orain arte, suzko armak edukitzeko eskubidea babesten zuen Konstituzioak, baina eremu pribatuan eta norberaren defentsarako soilik. Hain zuzen ere, bertan datza ñabardura.
Etxetik kanpo armak ezkutuan eramateko baimen bat izatera behartzen duen New Yorkeko estatuko lege batekin lotuta dago kasua. Hala ere, legediak dio baimen horren eskatzaileek justifikazio berezi bat azaldu behar dutela, babesteko desiratik harago.
Eskatzaileen arabera, legediko baldintza horrek asko zailtzen zuen baimena eskuratu ahal izatea, eta horrek mugatutako pribilegio bilakatzen zuen Bigarren Zuzenketa, eta ez konstituzio eskubide.
Auzitegiak arrazoia eman die, baina atea ireki die estatuei, armak eramateko bestelako mugaketak ezar ditzaten, besteak beste; hatz-markak hartzea, aurrekariak edo buruko osasuneko sintoma klinikoak.
Brett Kavanaugh epaile kontserbadoreak adierazi duenez, New Yorkeko legea "problematikoa da, hautazkotasun mugagabea ematen dielako baimenak emateko ardura duten funtzionarioei, eta defentsa propioaz gaindiko behar bereziren bat frogatu dezaketenei bakarrik balioztatzen dizkielako baimenak (...) herritarrei babeserako arma bat eramateko eskubidea ukatuz".
Aldiz, Stephen Breyer epaile demokratak ezezko jarrera azaldu du, eta indarkeria armatua bitarteko izan duten azken gertakarietako batzuk aipatu ditu, esate baterako, Uvaldeko (Texas) lehen hezkuntzako eskolako sarraskia edo Buffalon (New York) berriki izandako tiroketa.
New Yorkeko legediari eragiteaz gain, epaitzak beste estatuetako antzeko legedietan ere eragin dezake, besteak beste, California, Delaware, Connecticut, Hawaii, Maryland, Massachusetts edo New Jerseykoetan. Aipatutako estatuek ahalmen handiagoa ematen diete funtzionarioei gisa honetako eskaera bereziei uko egiteko.
Albiste gehiago mundua
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.