G7ak Putinen aurkako neurri "zorrotzak eta berehalako kostu ekonomikokoak" babesten ditu
G7ko liderrek, astearte honetan, Alemanian egindako goi-bileran, babestu egin dute Vladimir Putinen erregimenaren aurkako neurri "zorrotzak eta berehalako kostu ekonomikokoak" egotea, Ukrainaren inbasioagatik.
Munduko zazpi potentzia nagusietako goi-ordezkariek, Alemanian, bertan egindako goi-bilera amaituta, Ukrainako Gobernuarekiko eta bertako herritarrekiko babesa agertu dute, azken adierazpenean; izan ere, Errusiaren aldetik "justifikatu gabeko eraso-gerra" dela nabarmendu dute.
Zazpi herrialdeek konpromisoa hartu dute ahaleginak indartzeko, gatazkaren eskualdeko eragina eta eragin global eta "kaltegarri eta mingarriari" aurre egite aldera, eta, halaber, "energia-hornidura globala eta elikadura-segurtasuna bermatzeko.
"Behar den denboran", Ukrainarekin
"Behar den denboran izango gara Ukrainarekin, beharrezko babes finantzario, humanitario, militar eta diplomatikoa emanez, bertako herritarrak ausardiaz ari baitira defendatzen euren subiranotasuna eta lurralde-osotasuna", diote Alemaniako, Ameriketako Estatu Batuetako, Kanadako, Italiako, Frantziako, Japoniako eta Erresuma Batuko liderrek.
G7ko Estatuburuek eta Gobernuburuek "konpromisoa" hartu dute "Ukrainari laguntza emateko, bere burua defenda dezan eta etorkizun libre eta demokratikoa bermatzeko".
"Errusiarentzako kostu zorrotzak eta iraunkorrak ezartzen jarraituko dugu, gerra honi amaiera ematen laguntzeko asmoz. Ondorio zuzenez harago, Errusiaren erasoa mundu-mailako suspertzea ari da eragozten, eta sakonki ari da okertzen energia-segurtasuna eta mundu-mailan elikagaietarako sarbidea", diote G7ko liderrek.
Hori dela eta, ziurtatu dute, tinko jarraituko dute, konprometituta, "aurrekaririk gabeko koordinazio honekin, zigorren gainean, behar den denboran; etapa bakoitzean batera arituko gara, eta Errusiaren diru-sarrerak murriztuko ditugu, urrearena ere".
Testuinguru horretan, G7ko liderrak aztertzen ari dira errusiar petrolioa garraiatzea debekatzea, ez bada hori saltzeak kontuan izan dezala gehieneko salneurri bat; prezio hori nazioarteko bazkideekin adostu beharko lukete.
"Petrolioaren gainean, hainbat aukera daude; besteak beste, petrolio errusiarra eta horren eratorriak mundu-mailan garraiatzea bideratzen duten zerbitzuak erabat debekatzea", dio G7aren adierazpenak. Talde horretako herrialdeek, horrez gain, gonbidapena luzatu die gainerako herrialdeei, neurri horiekin bat egin dezaten; ministroei eskatu diete, halaber, errusiar energia fosilen alternatibak garatzeko aukerak aztertzen jarrai dezatela.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".