Errusiak adierazi du Ukrainan dituen helburuak beteko dituela Kievek nazioarteko laguntzak jaso arren
Luhanskeko Herri Errepublika erabat kontrolatu ondoren, Errusiako armadak Donetskeko Herri Errepublika kontrolatzea du helburu. Vladimir Putin Errusiako presidenteak bere militarrak eta milizia errusiazaleak zoriondu ditu Luhansken lortutako garaipenagatik, eta beste fronteetan ere aurrerapen berberak eskatu dizkie tropei; mendebaldeko eta ekialdeko tropei "ezarritako planen arabera euren zereginak betetzea" eskatu die.
Ildo beretik, Nikolai Patrushev Errusiako Segurtasun Kontseiluko idazkariak adierazi du Ukrainako "operazio militar bereziaren" helburuak bete egingo direla, Kieveko Gobernuari eskaintzen zaion laguntza militarra handitu arren.
Errusiak alboko herrialdean dituen helburuak "Ukrainako erregimen neonaziak egiten duen genozidiotik jendea defendatzea, Ukrainaren lurraldea desmilitarizatzea, naziz hustutzea eta Ukrainaren estatus neutrala lortzea" dela azpimarratu du.
Bere hitzaldian, Patrushevek AEBren aurka egin du, eta "Errusiaren ahultzearen eta zapalkuntzaren alde egitea" leporatu dio, "Errusia menperatzeko eta joan den mendearen amaieran lortu zuen nagusitasun politiko-militarrari eusteko".
Giulislav Volodin Errusiako Parlamentuko bozeramaileak ere ziurtatu du operazioak aurrera jarraituko duela, Ukraina "dena" egiten ari delako Moskuko tropak ez daitezen gelditu Luhansk eta Donetsk mugetan, RIA Novostiagency agentziak berri eman duenez.
Gobernu berria Khersonen
Ukrainako herrialdearen hegoaldean dagoen Kherson eskualdeko Administrazioak gobernu berri bat eratuko duela iragarri du, bertako biztanleez eta Errusiako espezialistaz eta profesionalez osatua.
"Funtsean, agintaritza berria eta desberdina eratzen ari gara: Kherson eskualde independente eta ez ukrainar bateko lehen gobernua. Ez da aldi baterakoa, ezta militarra ere, ez da bitarteko administrazio bat, agintaritza sendo eta benetakoa da", ziurtatu du Vladimir Saldo Administrazioko buruak, eta jakinarazi du Khersongo Gobernuko hurrengo burua Sergei Eliseev izango dela, Donbaseko gerra hasi eta Moskuk Krimea atxiki ondoren, 2014an, Errusiaren alde desertatu zuen militar ukrainarra.
Krimeako penintsularekin muga egiten duen Kherson eskualdea -'de facto' Errusiak kudeatzen duena- erabat hartu dute Errusiako tropek, Vladimir Putin Errusiako presidentearen aginduz otsailaren 24an hasitako gerraren barruan.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.