Draghik gobernatzeko gehiengo parlamentarioa galdu du, eta Italia hauteskundeetatik gertuago dago
Mario Draghi Italiako lehen ministroak gobernatzeko babes parlamentario nahikoa galdu du. Silvio Berlusconiren eta Matteo Salviniren eskuinak eta 5 Izar Mugimendua (M5S) koalizioko kide ohiek abandonatu dute Senatuan.
Draghik irabazi egin du konfiantza mozioa, baina M5S koalizioak, Forza Italiak eta Ligak ez dute parte hartu bozketan, eta, horrela, lehen ministroak gehiengoaren babesik gabe geratu da. Hain zuzen ere, 95 boto alde jaso ditu Draghik, eta 38 aurka. Goi Ganberak 320 senatari ditu. Horrenbestez, gehienek ez dute bozkatu.
Bazkideen asmoen berri izan ondoren, lehen ministroa Senatutik atera da. Ostegun honetan Sergio Mattarella Errepublikako presidentearengana joko du. Iragan astean dimisioa eman zuen, baina Mattarellak ez zion onartu.
Enrico Letta Alderdi Demokratako idazkari nagusiak Draghi babestu du. "Italiaren aurka jartzea erabaki du Parlamentuak, egun zoroan", deitoratu duenez. Hauteskundeak aurreratu beharko dituztela uste du.
"Guk eginahalak egin eta Draghiren Gobernua babestu dugu. Italiarrek hautestontzietan demostratuko dute ordezkariak baino zuhurragoak direla", idatzi du Twitter sare sozialean.
2021eko otsailetik batasun nazionaleko koalizioaren buru da ekonomialaria. Ganberako ia alderdi guztiek osatzen zuten, Giorgia Meoniren alderdi ultrak izan ezik.
Iragan astean, M5Sk ez zuen konfiantza mozioa babestu, koalizioan krisia eragin eta Draghi dimisioa ematera behartu zuen.
Baina Mattarella presidenteak ez zion onartu, eta Parlamentuan irtenbide bat bilatzeko eskatu zuen. Gaur hasi dira, baina ezinezko misioa ematen du eskuinaren eta M5Sren arteko ika-mikarengatik.
Nahiz eta Berlusconik eta Salvinik koalizioan jarraitzeko asmoa agertu, M5S kanpoan uzteko baldintza jarri diote lehen ministroari; baina Draghi ez dago horretarako prest, 2023ko martxoan, legealdia bukatzeko gehiengo berdina mantendu nahi duelako.
Albiste gehiago mundua
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Bilera erabakigarria gaur Etxe Zurian Ukrainaren etorkizunerako
Zelenski, Europako eta NATOko buruzagiekin batera, Trumpekin bilduko da. AEBko presidenteak esan du gerra "ia berehala" amaitu daitekeela Ukrainak Krimeari eta NATOri uko egiten badie.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.
Ukrainako bakea, fase erabakigarrian: Trump Zelenskirekin bilduko da Putinekin egon ostean
Financial Times hedabide britainiarrak jakinarazi duenez, Errusiaren eskakizunek baldintzatuko dute batzarra: Donetsk eta Luhansk, bake akordioa bermatzeko. Gainera, Ukrainako presidentea ez da bakarrik egongo Etxe Zurian, Von der Leyenekin eta beste buruzagi europar batzuekin batera bertaratuko baita.
Bolivian hauteskunde historikoak dituzte gaur: ia 20 urte geroago baliteke eskuinak agintea eskuratzea
Batasun Aliantzako Samuel Doria Medina enpresaria da inkesten buru, eta oso gertu du Aliantza Libreko Jorge Tuto Quiroga oposizioko kide eta presidente ohia (2001-2002).