Krisi politikoa Italian: Mario Draghik dimisioa aurkeztu du, baina Errepublikako presidenteak ez dio onartu
Sergio Mattarella Errepublikako presidenteak ez du Mario Draghi Italiako lehen ministroaren dimisioa onartu.
Gobernatzeko gehiengoa ote duen egiaztatzeko, Parlamentuan aurkezteko agindua eman dio Mattarellak. "Errepublikako presidenteak ez du dimisioa onartu, eta Gobernuko presidenteari Parlamentuan azalpenak ematea eskatu dio, Senatuko gaurko eztabaiden ondotik, egoera baloratzeko", jakitera eman du Estatuko buruzagitzak ohar batean.
Draghik dimisioa eman behar zuela iragarri du arratsaldean, Gobernu koalizioaren barruan Bost Izar Mugimenduarekin (M5S) krisia izan eta gero.
Draghik Ministroen Kontseiluan iragarri die erabakia Gobernuko kideei, eta ordu gutxien buruan jakinaraziko dio Sergio Mattarella Errepublikako presidenteari.
Gaur goizean, M5Sk uko egin dio Senatuan konfiantza mozio batean bozkatzeari, Gobernu koalizioko gainerako kideek egin ez bezala.
"Aurreratu nahi dizuet arratsalde honetan Errepublikako presidentearen aurrean dimisioa aurkeztuko dudala. Gaur Parlamentuan izan den bozketa gertakari oso esanguratsua da ikuspuntu politikotik", esan du Draghik Ministroen Kontseiluaren aurrean, Erroman.
"Gobernu hau sorreratik babestu duen batasun nazionaleko gehiengoa ez da existitzen jadanik, eta Gobernuaren ekintza oinarri zuen konfiantza ituna bukatu da", erantsi du.
M5S barik gobernatuko ez zuela ohartarazi zuen Draghik dagoeneko, nahiz eta koalizioa uzteak karguan jarraitzea ez eragotzi; izan ere, gehiengo parlamentario zabal baten babesa jarraitzen du izaten.
Draghiren eta Giuseppe Conte M5Sko buruzagiaren arteko azken tirabira inflazioaren aurkako laguntzen dekretu batek eragin du. "Kastaren" kontrako alderdiak "nahikoa" ez dela uste du. Gainera, Erromako hirian zabor erraustegi baten finantzazioa aurreikustea kritikatu du.
Aldez aurretik ere desadostasun sakonak izan dituzte; Ukrainako erresistentziari armak ematen jarraitzea, esaterako.
Draghik 2021eko otsailean hartu zuen Exekutiboa zuzentzeko ardura, pandemiaren krisiari aurre egiteko Contek kargua utzi ondoren. Alderdi guztiek osatzen zuten Gobernu koalizioa, Giorgia Meloniren indarrak izan ezik.
Hauteskunde orokorrak deitzeko interes handiena Melonik du inkestetan gora egin duelako Draghiren oposizio bakar gisa, eta lehen indarra izango dela diote.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.