Rishi Sunak eta Liz Truss lehiatuko dira Boris Johnson ordezkatzeko
Rishi Sunak Ekonomia ministro ohia eta Liz Truss Atzerri ministroa lehiatuko dira Alderdi Kontserbadoreko buruzagi eta lehen ministro izateko, diputatu toryen artean egindako azken bozketaren arabera.
Sunak Komunen Ganberako parlamentari kontserbadoreen faboritoa da, 137 boto eskuratu baititu. Trussek, aldiz, 113 boz lortu ditu, azken orduan Penny Mordaunt Merkataritza Politikako Estatu idazkaria gaindituz.
Bi finalistek posta bidezko bozketa dute orain aurretik. Alderdi Kontserbadoreko militanteek izango dute azken hitza. Irabazlea irailaren 5ean jakitera emango dute, udako oporraldi parlamentarioaren ostean.
Buruzagi berria izendatu eta hurrengo egunean, Johnsonek gobernuburu izateari utziko dio, eta Isabel II.a erreginak ordezkoa inbestituko du ekitaldi labur batean, Buckingham jauregian.
Abuztuan zehar, 42 urteko Sunak eta 46 urteko Truss militanteen botoa erakartzen saiatuko dira. Alderdi barruko inkestak Foreign Officeko buruzagiaren aldekoak dira.
Exchequerreko buruzagi ohiak uztailaren 5ean dimisioa eman zuen, lehentasun ekonomikoetan desadostasunak tarteko. Barne-hauteskundeak irabazten baldin baditu, Erresuma Batuko aurreneko lehen ministro beltz eta hindua izango litzateke.
Sajid Javid Osasun ministroak egun berean eman zuen dimisioa. Erabakiak barne-hauteskundeetan eragin dezake; izan ere, militante batzuek Boris Johnson gustuko dute oraindik. Johnsonek uztailaren 7an eman zuen dimisioa, talde parlamentarioaren konfiantza galdu ondotik.
Truss, ostera, atzerrian zegoen Gobernu krisiak eztanda egin zuenean, eta azken unera arte bere buruzagiaren ondoan egon zen. Horregatik, jarduneko ministro izaten jarraitzen du.
Zure interesekoa izan daiteke
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta erakutsitako ausardia eskertu die
AEBko presidenteak tripulazioarekin hitz egin zuen Ilargiaren aurpegi ezkutua behatu ondoren, egindako misio historikoagatik zoriontzeko. "Gaur historia egin duzue eta harrotasunez bete duzue Amerika osoa, harrotasun ikaragarria", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.