Sunak gailendu da Johnsonen lekua hartzeko lehen bozketan
Boris Johnson Alderdi Kontserbadoreko buruzagi eta Erresuma Batuko lehen ministro karguetan ordezkatzeko barne prozesuaren lehen fasean Rishi Sunak Ekonomia ministro ohia izan da nagusi.
Guztira, zortzi hautagai aurkeztu dira. Gaur egin dute lehendabiziko bozketa eta hautagaietako bi -Jeremy Hunt Osasun ministro ohia eta Nadhim Zahawi Finantza ministro ohia- lehiatik kanpo geratu dira gutxieneko babesa -30 boto- eskuratu ez dutelako.
Sunakek 88 boto eskuratu ditu eta, oraingoz, bera da Johnson ordezkatzeko faborito nagusia. Alabaina, Penny Mordaunt Merkataritzako Estatu idazkariak 67 boto lortu ditu, eta, inkesten arabera, gora egiten ari da.
Bestalde, Liz Truss Atzerri Gaietarako ministroak 50 boto eskuratu ditu; Kemi Badenoch Berdintasun ministro ohiak, 40; Tom Tugendhat Komunen Ganberako Atzerri Gaietarako Batzordeko presidenteak, 37; eta Suella Braverman fiskal nagusiak, 32.
Ostegun honetan, bigarren bozketa egingo dute, eta, datorren astean, gehiago egon daitezke, bi finalista geratu arte.
Ondoren, bi hautagaiek Alderdi Kontserbadoreko afiliatuen babesa lortzeko kanpaina bat abiatuko dute, eta abuztuan egingo dute bozketa posta elektroniko bidez.
Irailaren 5ean ezagutuko dugu barne-hauteskundeen irabazlea, eta, beraz, alderdiko buruzagi eta Erresuma Batuko ministro berria.
Zure interesekoa izan daiteke
Abukeshek eta Avila deportatu dituztela baieztatu du Flotillak, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.