Txina maniobra militarrak egiten hasi da benetako suarekin Taiwan "blokeatuta"
Taiwan inguruan benetako suarekin maniobra militar "garrantzitsuak" abiatu ditu Txinako Armadak, uharteko Defentsa Ministerioak jakinarazi duenez. Maniobrak igandera arte egingo omen ditu Pekinek, eta Taiwan "airez eta itsasoz blokeatzea" ekarri du.
Nancy Pelosi AEBko Ordezkarien Ganberako presidenteak Taiwanera egindako bisitaren ostean hasi ditu ariketak Txinak. Taiwanen arabera, uhartetik gertu dauden sei guneren —horietako bat Kaohsiung kostaldetik 20 kilometrora— itsas eta aire espazioa itxi du Txinak.
Atzo bertan, Txinako 27 hegazkin militar atzeman zituen Taiwanek Aire Defentsarako Identifikazio Gunean, eta Taipeiko Armadak borrokarako aire-patruila bat bidali zuen eremura, irrati bidezko ohartarazpenak bidali zitzan.
Kinmen uharteen gainetik —Txinako Xiamen hiritik 30 kilometrora, baina Taiwanen kontrolpean— Txinako drone militar bat ere detektatu omen du Taiwanek, eta, horri erantzuteko, bengalak bota behar izan ditu bart birritan.
Uharteok hainbat aldiz bonbardatu ditu Txinak azken hamarkadetan, Taipeiren eta Pekinen arteko tentsioak gora egin izan duenean.
Taiwango komunikabideen arabera, maniobrek nazioarteko 18 aire-bideri eragin diete, eta 900 hegaldi baino gehiagok ibilbidea aldatu behar izan dute.
Txinako hedabideek zabaldu dutenez, RC-135S motako AEBko hegazkin bat Okinawa uhartetik (Japonia) atera da uhartera bidean. Dena dela, azkenean, Ronald Reagan hegazkin-ontzia Taiwanetik urrundu da, ipar-ekialdera jota (Japoniarantz).
Txinaren ahotan, Pelosiren bisita "iruzurra" izan da, "traizio deitoragarria".
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".