Gizon bat atxilotu dute Bilbon, auto bat lapurtu eta ihes eginda arriskua sortuz gidatzeagatik
Ertzaintzak 37 urteko gizon bat atxilotu du Bilbon, motordun ibilgailua lapurtzea, arriskua sortuz gidatzea eta atentatuaren delituak leporatuta. Atxilotuak giltzak jarrita zituen auto bat lapurtu du asteazken arratsaldean, eta, ertzainek aurkituta, abiadura handian zirkulatuz ihes egin du. Azkenean, Ertzaintzaren auto baten aurka egin du talka.
Testuinguru horretan, Ertzaintzak zabaldu duenez, 20:20ak aldera, agenteei jakitera eman diete giltzak jarrita zituen auto bat lapurtu dutela Bilboko Fika kalean. Gertaeraren berri Udaltzaingoari eman diotenean, autoaren bila hasi dira, eta Urazurrutia kalean aurkitu dute ertzain batzuek. Agenteak autora hurbildu dira, geldi eta zirkulazioko erreia oztopatzen ari baitzen; auto barruan pertsona bakarra zegoen, gidariaren lekuan autoaren azeleragailua etengabe sakatuz. Agenteek motorra itzaltzeko eta autotik jaisteko esan diote, baina gizonak ez die kasurik egin, eta bat-batean autoa azeleratu eta ihes egin du. Agenteetako batek baztertu egin behar izan du, autoak harrapa ez zezan.
Une horretan, autoari atzetik segika hasi dira, Bilboko kaleetan zehar, eta gizonak abiadura handian zirkulatu du, semaforoak gorri zeudela igaro ditu eta kale batzuetan debekatutako noranzkoan sartu da. Gainera, errei batetik bestera etengabe igarotzen zen, eta ausarkeriaz aurreratzen zituen beste auto batzuk, gainerako gidariak eta oinezkoak arriskuan jarriz; batzuek baztertu egin behar izan baitute, harrapa ez zitzan.
Polizia-autotik behin eta berriz emandako aginduei kasurik egin gabe, gidariak San Adrian ingurura iritsi arte jarraitu du, eta, bertan, beste patruila batek itxi dio bidea, Askatasuna kalean. Gizona gidatzen ari zen autoak Ertzaintzaren autoarekin talka egin du bi aldiz, lekutik ihes egiten saiatuz, baina atzeman egin dute. Gidariak jarrera biolentoa izan du hasieratik, dio Ertzaintzak, eta agenteei ukabilkadak eta ostikoak emanez aurre egin die; azkenean, motordun ibilgailua erabiltzeko lapurtzearen, ausarkeriaz gidatzearen eta atentatuaren delituak leporatuta atxilotu dute.
Bi ertzainek osasun-laguntza behar izan dute atxilotuak polizia-autoa jo duenean, baita gerora ere, atxilotzeko unean, eragindako kontusioengatik.
Ostegun goizean, dagozkion eginbideak amaitutakoan, atxilotua agintari judizialaren eskuetan jarri dute. Polizia-aurrekari ugari ditu gizonak.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".