Donald Trumpek agiri sailkatuak eraman zituen etxera, miaketa-aginduaren arabera
Donald Trump Ameriketako Estatu Batuetako presidente ohiak agiri sailkatuak eraman zituen etxera, ostiralean argitaratu duten miaketa-aginduaren arabera. Hori dela eta, baliteke Trumpek Espioitza Legea urratu izatea, Justiziaren lana oztopatzeaz gain.
Merrick Garland demokratak, AEBko fiskal nagusia bera, eskatu dio epaileari miaketa-aginduak eta jasotakoaren inbentarioak sumario-sekretupean egoteari uzteko; izan ere, Trumpek etxebizitza du Mar-a-Lagon, Floridan, eta FBIk sarekada egin zuen bertan. Trumpek onartu egin zuen agindua argitaratzea, eta hala egin dute. Bertan adierazita dagoenez, hiru balizko krimen egozten dizkiote: Espioitza Legea hautsi izatea, Justizia oztopatzea eta agiriak suntsitzea. Zigortuko balute, isunak jaso litzake, baina baita kartzela-zigorrak ere; kargu politikoetan izateko gaitasunik gabe utz lezakete, halaber.
Inbentarioak zehazten duenez, konfiskatutako informazioan 26 kutxa daude, zenbaki banak etiketatuta, bai eta agirietako eta argazkietako hainbat karpeta; horiek "goi-sekretua" edo "isilpeko informazioa" etiketak dituzte. Tartean, "Frantziako presidentea" izenburua duen dokumentu bat dago, bai eta beste bat Roger Stone Trumpen isil-mandatariaren indultua eskatzen duena ere. Beste zenbait agirik ez dute deskribapenik.
Bruce Reindhart Palm Beacheko epaileak abuztuaren 5an onartu zuen agindua, sarekada egin baino hiru egun lehenago, eta hilaren 19ra arteko epea ematen zion FBIri miaketa egiteko. FBIk zer konfiskatu ahal zuen ere dago zehaztuta aginduan: "sailkatua" marka zuen edozein dokumentu edo kaxa, segurtasun nazionalaren gaineko daturik edo informaziorik eman izatearen edozein zantzu, eta 2017ko urtarrilaren 20tik 2021eko urtarrilaren 20ra arteko epean sortutako edozein presidente-artxibo (Trump bi data horien artean izan zen presidente).
Mar-a-Lagoko ezaugarriak ere zehazten ditu aginduak. Luxuzko etxe horrek 58 bat logela eta 33 bat bainugela ditu, 6,8 hektareako jabetza batean dago kokatuta, eta baimena ematen zien agenteei "45. bulegoa" ere miatzeko; zenbaki horrek Trump AEBko historiako 45. presidentea izateari egiten dio aipamena.
"Ezer ez zegoen sailkatuta", dio Trumpek
Truth sare sozialean, Trumpek bere burua aldeztu du: "Lehenengo eta behin, ezer ez zegoen sailkatuta. Horrez gain, ez zuten zertan ezer konfiskatu, edonoiz lor zezaketen, politikarik egin gabe edo Mar-a-Lagon sartu gabe. Dena biltegi ziur batean zegoen. Galdetzea besterik ez zuten".
Ostiral honetan ere, Ameriketako Estatu Batuetako Artxibo eta Miaketa Administrazio Nazionalak adierazi du Barack Obamak, Trumpen aurrekoa bera, ez zuela dokumenturik bereganatu Etxe Zuritik 2017an, hau da, utzi zuenean. Trumpek, aldiz, kontrakoa esan zuen.
Gainera, Nancy Pelosi Ordezkarien Ganberako presidenteak egotzi dio Trumpi "lege-indarren aurkako erasoak bultzatzea, miaketa eginda FBIri egindako kritikengatik; esan duenez, gauza bera egin zuen Trumpek 2021ko urtarrilaren 6an Kapitolioan egindako erasoan. Ostegun goizean, gizon bat FBIk Cincinnati hirian (Ohio, AEB) duen bulegoan sartzen ahalegindu zen, ikertzen ari dira zein helbururekin, eta Poliziak hil egin zuen.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.