Kongresista estatubatuarrak Taipeira iritsi izanak Txina haserretu du
Kongresista estatubatuarren ordezkaritza berri bat Taiwanen da, Txinak lurraldearekiko subiranotasun-erreklamazioen aurkako irain handienetakotzat jo zuen Nancy Pelosi AEBko Kongresuko Ordezkarien Ganberako presidentearen bisita polemikotik 12 egunera.
Ordezkaritza estatubatuarra uharteko goi arduradunekin bilduta dago bi eguneko topaketa batean, Taiwango Institutu Amerikarrak (Ameriketako Estatu Batuek lurraldean duten 'de facto' enbaxada) ohar baten bidez jakinarazi duenez.
Massachusettsko Ed Markey senatari demokrata buru duen taldeak "aldebiko harremanak, eskualdeko segurtasuna, merkataritza, inbertsioa, klima-aldaketa eta elkarren intereseko beste gai batzuk" eztabaidatu nahi ditu. Senatariarekin batera, bertan dira, Alan Lowenthal, John Garamendi, Don Beyer eta Aumua Amata Coleman Radewagen ordezkariak ere.
Lehen bileraren ostean, Tsai Ing-wen Taiwaneko presidenteak ohartarazi du Txinako ariketa militarrek kalte egiten diotela eskualdeko bakeari eta egonkortasunari, eta, hain zuzen ere, egonkortasuna mantentzeko konpromisoa agertu du.
Izan ere, ordezkarien hegazkinak lur hartu baino lehentxeago, Taiwango Defentsa Ministerioak baieztatu zuen sei gerraontzi eta gutxienez 22 borroka-hegazkin txinatar hurbildu zirela lurraldeko itsas segurtasunerako lerrora, Pekinen enegarren indar-erakustaldi gisa interpretatuz.
Zehazki, Ministerioak baieztatu du hamaika hegazkin Taiwango itsasartea eta aireko segurtasun-eremua banatzen dituen lerroa gainditzera iritsi zirela, oso tarte txikian bada ere.
Normalean egiten duen bezala, Taiwanek abisu eman zien bere segurtasun indarrei, eta berehala alde egiteko eskatu aparatu txinatarrei, Ministerioak Twitterren duen kontuaren arabera.
Joe Biden Ameriketako Estatu Batuetako (AEB) presidenteak aste honetan baztertu egin du Txinako Gobernua Taiwanen inguruko ariketa militarretatik "haratago" joatea Pelosiren bisita polemikoaren ostean, eta baztertu egin du eremu horretan tentsioak gora egin eta gatazka belikorik piztea.
Txinaren eta Taiwan uhartearen arteko loturak 1949an hautsi ziren, Chiang Kai Shek buru zuen Kuomintang alderdi nazionalistaren indarrek Alderdi Komunistaren aurkako gerra zibilean porrota jasan eta artxipelago horretara joan ondoren.
Taiwanen eta Txina kontinentalaren arteko harremanak 1980ko hamarkadaren amaieran berrezarri ziren, soilik enpresa mailan eta informalean. Txinako Gobernuak Taiwanekiko duen politikaren oinarria bateratze baketsua da, eta printzipio bat: "Herrialde bat, bi sistema".
Zure interesekoa izan daiteke
Trumpek % 25eko muga-zerga ezarri die Irango ondasunak erosten dituzten herrialdeei
Programa nuklearraren inguruan AEB eta Iran zeharka egiten ari diren negoziazioen ostean etorri da erabakia. Asiako herrialdeak adierazi du "hasiera ona" izan direla elkarrizketak.
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.