Taiwanek gerra maniobrak hasi ditu defentsa-gaitasuna frogatzeko, Txinaren maniobren aurrean
Taiwanek gerra maniobrak hasi ditu asteartean Txinaren aurrean defentsa gaitasuna frogatzeko. Txinak ia astebete darama militarrak uhartearen inguruan sakabanatzen, Nancy Pelosi AEBko Kongresuko presidentearen bisitari erantzunda.
Txinak, historian lehen aldiz, aurreko abuztuaren 4an hasi zituen gerra maniobrak benetako suarekin eta misilen jaurtiketarekin Pelosiren bidaiaren biharamunean eta, aurreko igandean bukatzekoak baziren ere, beste bi egunez luzatu ditu, epe mugarik zehaztu gabe.
Txinako Armadak astearte honetan iragarri du maniobrekin aurrera jarraituko duela. "Segurtasun operazio bateratuak" egin dituzte gaur. Oraingoz, ez dute maniobrak amaitzeko datarik eman.
Itsasarteko marra Taipeik eta Pekinek orain arte errespetatutako muga ez ofiziala da. Azken egunetan, aldiz, Txinako hegazkinek eta ontziek behin eta berriro zeharkatu dute. Horrela, adituen arabera, Txinak uhartearen gaineko presioa nabarmen areagotu du.
Txinaren maniobrei erantzuteko, Taiwanek ariketa militarrak abiatu ditu, Txinaren balizko inbasio baten aurrean defentsa gaitasuna probatzeko. Operazioak berriz errepikatu ditu ostegunean.
Joseph Wu Taiwango Atzerri ministroak prentsaurrekoan adierazi duenez, Txinaren maniobra militarrak "probokazio zentzugabea" dira, eta Pelosiren bidaia "Txinarentzako aitzakia izan da soilik".
"Taiwango itsasartea barne itsaso bihurtu nahi du Txinak, nazioarteko itsas bidearen statu quoa ukatuz, nabigaziorako askatasun eskubideari kalte eginez", salatu du ministroak.
AEBko Ordezkarien Ganberako presidentearen bisitak Taiwanen eta Txinaren arteko krisia piztu zuen iragan astean. Txinako Gobernuak AEBrekin lankidetza eta elkarrizketa bertan behera utzi zituen zenbait esparrutan, klima aldaketa eta defentsa arloetan, esaterako.
"Hanka-sartzeen aurrean aitzakiak jarri beharrean, nazioarteko betebeharrak eta erantzukizuna onartu beharko lituzke Washingtonek", adierazi du Ma Zhaoxu Txinako Atzerri ministrordeak, CCTV telebistari eskainitako elkarrizketan.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.