Greziako Polizia Atenasko kanpamentu batean sartu da errefuxiatuak kanporatzeko
Greziako Polizia Eleonasko errefuxiatu-kanpalekuan sartu da ostegun honetan, pertsona migratzaileak bertatik kanporatu eta herrialdeko beste eremu batzuetan kokatzeko. Atenasen dagoen kanpamentu bakarra da.
Notis Mitarakis Greziako Migrazio ministroak iragarri du gaur goizean, txio batean, "etorkin eta solidario" talde baten erresistentziaz ere kexu.
Manifestariek barrikadak altxatu dituzte polizien etorreraren aurrean, eta haiekin gas negar-eragilea, granada zorabiagarriak eta harrikadak trukatu, tokiko hedabideen arabera.
Poliziak agertu diren arren, bertan jarraitzen zuten ehunka migratzaileetatik 30 baino ez dituzte lekualdatzea lortu, "euren kabuz hala onartuta". Solidarity With Migrants GKEaren arabera, taktika hori "palanka gisa erabiltzen da borrokan ari den emakume etorkinen blokea presionatzeko, zatitzeko eta zapaltzeko", eta baimen hori "kanpalekuaren zuzendaritzaren mehatxu eta gezur askoren ondoren" lortu dela deitoratu dute.
Errefuxiatuek mugitzeari uko egiten diote, ez dutelako "bigarren deserrotze bat" nahi herrialde barruko kanpamenduetara eramaterakoan, eta bertan egotea eskatzen dute agintariek hiri barruko etxebizitza bat ziurtatzen dieten arte.
Era berean, laguntza psikologikoa eta legala ematen zieten langileak berriz ere kontrata ditzatela eskatu dute, zelaiaren itxierarekin lanpostuak galduko dituztelako, ez baitago aurreikusita beste eremu batzuetara lekualdatzea.
Lekualdaketari uko egiteko beste arrazoietako bat da kanpamentuko jendearekin "harmonian" bizi direla eta hezkuntzarako eta osasunerako sarbidea dutela, herrialdearen barruan baino hobeto funtzionatzen baitute, Langileen Ekimena erakundearen arabera; gainera, eremu hori ixteak pertsona horiek integratzeko ahaleginak "apurtzea" dakarrela diote.
MeRA25 Yanis Varufakis Finantza ministro ohiaren ezkerreko alderdiak "Mitsotakisen erregimenaren errepresio basatia" gaitzetsi du, eta gogorarazi du kanpamentua ebakuatzearen aurka dagoela, Greziako errefuxiatuen eremuen kalitatearen erakusgarri delakoan.
Maiatzaren 30ean ixtea aurreikusita zegoen, baina migratzaileen protesta ugariek, hainbat erakundek lagunduta, behin betiko itxiera atzeratzera behartu dituzte agintariak, azken hilabeteetan lekualdaketa batzuk izan badira ere.
Atenasko Udalak gehiengo estuz onartu zuen ixtea, eremu horretan merkataritza-gune eta futbol-estadio bana eraikitzeko plana aurrera eraman ahal izateko.
Zure interesekoa izan daiteke
?fmt=webp-alpha&qlt=80)
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.
Leon XIV.a aita santuak gerraren aurkako aldarria egin du eta armak uzteko eskatu du
Tradizioan ez bezala, non pontifizeek mundu mailako diskurtsoa erabiltzen duten nazioarteko tentsio-guneak errepasatzeko, Leon XIV.ak ikuspegi orokor baten alde egin du, eta axolagabeak ez izateko eta gaitzaren, gorrotoaren eta gerraren aurrean ez etsitzeko eskatu du.