Ukrainak 30 herri berreskuratu ditu Kharkiveko eskualdean eta Errusia Donetsken "biltzen" ari da berriro
Ukrainako Armadak kontraerasoa egiten jarraitzen du herrialdearen ekialdeko Kharkiv eskualdean, eta, ondorioz, tropa errusiarrak "berriz elkartu" behar izan dira Donetsk eskualdera erretiratuz.
"Azken egunotan, Ukrainako mila kilometro koadro baino gehiago okupatzaileengandik askatu ditugu" adierazi du larunbat honetan Armadak, gerra-partean.
Ordu batzuk lehenago, Volodimir Zelenski Ukrainako presidenteak gaueko hitzaldian jakinarazi zuen Armadak 30 herri baino gehiago askatu eta kontrolatu dituela Kharkiven.
Beste aldetik, Errusiako Defentsa Ministerioak tropen mugimenduen eta gerra-ekipamenduaren bideoak zabaldu zituen atzo, Kharkivera bidean baina gaur, Donetsk eskualdera bideratu direla jakinarazi dute. "Operazio militar bereziaren helburuak lortzeko, Balakliy eta Izyum eskualdeetako tropak berriz elkartzeko erabakia hartu da, Donetskeko frontean ahaleginak areagotzeko", adierazi dute errusiarrek ohar batean.
Alemaniaren babesa Ukrainari
Bestalde Annalena Baerbock Alemaniako Atzerri ministroa Kievera heldu du gaur, iragarri gabeko bisita batean, "armak bidaliz eta laguntza humanitario zein finantzarioa emanez Ukrainari laguntzen ari garela erakusteko helburuz".
Baerbockek azpimarratu duenez, ukrainarrak "euren bizitza, familia eta lagunen alde" ari dira borrokan duela sei hilabetetik, eta, beraz, "ez dute bakerako eta askatasunerako eskubidea bakarrik defendatzen, baita gure ordena europarra ere".
Bisitarekin, mezu bat bidali nahi du Alemaniara, Ukrainarekiko elkartasunaren inguruan herritarren artean nekea sortzeko arriskuaren aurrean: "Putinek Ukrainarekin solidarioak izateaz nekatzea nahi du. Berak uste du gure gizartea zatitu dezakeela gezurrekin eta estortsionatu egin gaitzakeela energia hornikuntzarekin. Uste du gure balore guztien aurkakoa den eraso honetatik defendatzeko dugun indarra ken diezakegula, baina ez da horrela" ohartarazi du.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".