125 pertsona hil dira Indonesiako futbol partida batean izandako istiluetan
Gutxienez 125 pertsona hil, eta 180 lagun zauritu dira Indonesiako futbol partida batean, Ekialdeko Java probintzian, larunbat gauean.
Talde galtzailearen jarraitzaileek jokalekura salto egin dute beren frustrazioa adierazteko, eta agenteek gas negar-eragileak jaurti dituzte egoera kontrolatzeko ahaleginean. Horrek aztoramena eragin du bertan zegoen jendearengan, lekuko poliziaburuak adierazi duenez.
Biktima batzuek garuneko lesioak jasan dituzte, eta hildakoen artean bost urteko haur bat egon liteke.
FIFA munduko futbolaren erakunde gidariak bere segurtasun arauetan zehazten du poliziako agenteek ezin dutela suzko edo gasezko armarik eraman.
Horren aurrean, Ekialdeko Javako poliziaburuak ez du adierazpenik eman arau horien ezagutzaren inguruan.
Joko Widodo Indonesiako presidenteak, bere aldetik, agintariek partidetako segurtasuna ondo ebaluatu behar dutela esan du, eta larunbatekoa "herrialdean izandako azken futbol tragedia" izatea espero duela gehitu du. Era berean, Indonesiako lehen ligako partida guztiak bertan behera uzteko agindua eman du, gertatutakoari buruzko ikerketa martxan jarri arte.
Gainera, tokian baimendutakoa baino jende gehiago zegoen; 42.000 sarrera saldu ziren 38.000 lagunentzako lekua duen estadio batean.
Istiluak mundu mailan
Indonesiakoa munduko futbolaren bigarren tragedia larriena izan da.
Tragediarik handiena 1964an gertatu zen Limako estadio nazionalean. Bertan, 328 lagun hil, eta 800 zauritu ziren Peruko eta Argentinako selekzioen arteko partida batean.
Poliziak gas negar-eragileak jaurti zituen jendetzaren kontra, eta sarrerako ate itxietan harrapatuta geratu ziren, tokiko gol bat baliogabetzeagatik protestatu ondoren. Hildako gehienak asfixia eta traumatismoengatik zendu ziren.
Europan, zale askoren buruan jarrai dezake 1985ean Heyselen (Brusela) izandako tragedia; 39 pertsona hil ziren, eta 117 zauritu larri izan ziren.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.