Horrelakoa da Rishi Sunak, Erresuma Batuko lehen ministroa
Liz Trussen dimisioaren ostean, Erresuma Batuak Rishi Sunak du lehen ministro berri. Herrialdea gobernatzen duen lehen hindua da, baita 100 parlamentari kontserbadoreren babesa lortu duena ere. Baina, nondik dator Rishi Sunak? Zer ibilbide du Erresuma Batuko politikan?
Orain lehen ministro denak 2014ko urrian ekin zion politikari, Richmonden hautagai kontserbadore zela. 2015ean, diputatu aukeratu zuten % 36,2ko gehiengoarekin, eta 2017ra arte, Ingurumen, Elikadura eta Landa Arazoetarako Batzorde Selektiboko kide izan zen.
2015ean, eskuin kontserbadorean ezagun bihurtzen hasi zen, eta 2016an, brexitaren erreferenduma babestu zuen. Horri esker, Boris Johnsonek herrialdeko Altxorraren idazkari nagusi izendatu zuen 2019ko uztailean.
2020ko otsailean, Ogasun kantziler izendatu zuten, eta une hartan zegoen pandemiagatik izututa zeuden familia mordo baten lasaigarria izan behar izan zuen. Urte horretako martxoan, Sunak bere esku zegoen guztia egiteko konpromisoa hartu zuen pandemiak ekonomikoki kaltetutako pertsonei laguntzeko. Ekonomiako politikaria izan zen garaian, pandemian enplegua babesteko egin zuen planagatik goraipatu zuten, baina herritarrei emandako laguntza eskasak kritikatu zizkioten.
Halaber, Rishi Sunak lehen ministro ohi Boris Johnsonekin batera zigortu zuten pandemian legez kanpoko festa batera joateagatik. Bere aberastasunagatik ere kritikatu eta sailkatu zuten, ezin izango baitzen herritarren larruan jarri beren arazoen berri izateko.
Duela hilabete Liz Trussen aurka zebilen Erresuma Batuko lehen ministro izateko. Orain, herrialdearen krisi historiko bati aurre egin behar dio.
Zure interesekoa izan daiteke
Portugaleko hauteskunde presidentzialetan % 45,5ekoa zen parte-hartzea 16:00etan, lehen itzuliaren tankeran
Herri batzuek hauteskundeak astebete atzeratzea erabaki dute, otsailaren 15era arte, herrialdeak azken bi asteetan jasan dituen denboraleen ondorioz.
Irango auzitegi batek zazpi urte eta erdiko kartzela-zigorra ezarri dio Mohammadi Bakearen Nobel saridunari
Starmerren aholkulari nagusiak dimisioa eman du Epsteinen artxiboen eskandaluagatik
Kabineteko buruak bere gain hartu du Mandelson enbaxadore kargurako izendatu izanaren errua. "Akats bat izan zen. Gure alderdiari, gure herrialdeari eta politikarekiko konfiantzari kalte egin die Mandelsonek", gaineratu du.
Takaichik irabazi ditu hauteskundeak Japonian, eta gehiengoa handitu du
Hauteslekuak itxi osteko lehen kalkuluek 274 eta 328 eserleku artean eman dizkiote lehen ministroaren Alderdi Liberal Demokratikoari, gehiengo absolutua aise gaindituta.
Hauteskunde aurreratuak Japonian, azken urteetako elurte handienaren erdian
Sanae Takaichi lehen ministroak bozak aurreratzea erabaki zuen, Parlamentuan dituen babesak handitzeko asmoz. Inkesten arabera, helburua lortuko du, baina ez dira ohiko hauteskundeak izango, elurraren eraginez ordutegia aldatu behar izan baitute hautesleku batzuetan.
Istiluak izan dira polizien eta manifestarien artean Milanen, Olinpiar Jokoen aurkako protesta jendetsu batean
Poliziak ur-kanoiak eta negar-gasa erabili ditu manifestarien aurka, protestari batzuek agenteei suziriak, bengalak eta bestelako objektuak jaurti ostean. Milaka lagun bildu dira protestetan, Neguko Olinpiar Jokoak hasi eta biharamunean.
Hautagai sozialista faborito dela egingo dute hauteskundeen bigarren itzulia Portugalen igande honetan
Inkesten arabera, Antonio Jose Seguro sozialistak botoen % 67 jasoko ditu, eta Andre Ventura ultraeskuindarrak, berriz, % 32. Ekaitzak Portugalen eragindako hondamendi betean egingo dute hauteskundeen bigarren itzulia.
Trumpek % 25eko muga-zerga ezarri die Irango ondasunak erosten dituzten herrialdeei
Programa nuklearraren inguruan AEB eta Iran zeharka egiten ari diren negoziazioen ostean etorri da erabakia. Asiako herrialdeak adierazi du "hasiera ona" izan direla elkarrizketak.
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.