Rishi Sunak Erresuma Batuko lehen ministro izendatu dute
Rishi Sunak Erresuma Batuko Alderdi Kontserbadoreko buruzagia herrialdeko lehen ministro izendatu dute. Atzotik albistea jakina bazen ere, Charles III.a erregearekin bildu ostean hartu du ofizialki kargua.
Downing Streeteko 10. zenbakiko hirugarren maizterra izango da aurten, Boris Johnsonen eta Liz Trussen atzetik. Herrialdearen historiako 57. lehen ministroa izango da.
Iragan astean Liz Trussek dimisioa eman ostean, Alderdi Kontserbadoreak Komunen Ganberan dituzten 357 diputatuetatik gutxienez 100ek babestu behar zituzten hautagaitzak. Rishi Sunakek soilik lortu zuen bere alderdikideen nahikoa babes.
Downing Streeteko 10. zenbakiaren atarian egin duen lehen agerraldian, bere Gobernuaren lehentasunak "egonkortasun ekonomikoa" eta Erresuma Batuarekiko "konfiantza" itzultzea izango direla esan du. Nolanahi ere, "erabaki zailak" datozela ohartarazi du.
Sunak bere aurrekoari buruz (Truss) esan du akatsak egin dituela, horiek konpontzeko aukeratu duela bere alderdiak, eta "berehala" hasiko dela lan horretan.
Erresuma Batuko lehen ministro berriaren ustez, Trussek huts egin zuen zorra nola murriztuko zuen zehaztu gabe zergak jaisteko aurkeztu zuen estrategian, eta horrek kontrako iritziak eragin zituen Alderdi Kontserbadorearen barruan eta baita diru merkatuetan ere.
Alderdia eta herrialdea "ekintzekin" batuko dituela esan du, eta "egunez egun" lan egingo duela hitzeman du 2019an Boris Johnsonek gehiengo osoz irabazi zituen hauteskundeetan jendarteak emandako mandatua betetzeko.
Aurreikuspenen arabera, lehen ministro berriak bihar egingo du agerraldia Parlamentuan.
Europako Batzordeak aldebiko akordioak errespetatzeko eskatu dio Erresuma Batuari
Erresuma Batuko lehen ministro izendatu berritan, Rishi Sunak zoriondu du Ursula von der Leyen Europako Batzordeko presidenteak, eta aldebiko akordioak betetzeko eskatu dio. Halaber, nabarmendu du Europar Batasunak eta Erresuma Batuak "harreman sendoa" dutela.
"Gure kontinentearentzat zailak diren garai hauetan, Erresuma Batuarekin harreman sendoa dugu gure balore komunak defendatzeko, eta gure akordioak errespetatzeko", adierazi du Von der Leyenek Twitter sare sozialeko bere kontuan.
Zuzenean bere testuan aipatu ez badu ere, Erresuma Batua Europar Batasunetik irten zenean, bi aldeek sinatutako akordioez ari da Europako Batzordeko presidentea. Horien arabera, Ipar Irlanda Erresuma Batua da, baina merkatu bakarrean eta aduana batasunean jarraitzen du.
Erresuma Batuak Ipar Irlandarako Protokoloa aldebakarrez bertan behera uzteko legea onartu zuen. Europar Batasunak ez dio horri zilegitasunik aitortzen, eta adostutako parametroen barruan irtenbideak bilatzea eskatzen du.
Zure interesekoa izan daiteke
Abukeshek Bartzelonan da jada, eta Avila astelehenean iritsiko da Brasilera, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.