Klerikoei turbantea kentzea, Iranen protestatzeko metodo berria
Irango gazteriak protestatzeko modu berriak eta askotarikoak inprobisatu ditu azkenaldian; belorik gabe dabiltzan emakumeak, leihoetatik entzuten diren oihuak zein protesta abestiak. Azken egunotan, gainera, metodo berri bat gailendu da: klerikoei turbantea kentzea.
Modus operandia birala da dagoeneko sare sozialetan: gazte bat, neska zein mutil, atzetik hurbiltzen zaio kleriko bati, eta eskuaz kolpe bat ematen dio buruan daraman turbanteari, lurrera erori arte, sarritan, ingurukoen barre artean.
Jakina, bideoa grabatzen dute, ondoren Twitter, Instagram zein Telegram bidez partekatzeko, herrialdeko kaleak bezain funtsezkoak diren guda zelaiak, alegia.
Mezuaren inguruko zalantzarik geldituko balitz, bideo horiekin egindako muntaia batean, Queen britainiar taldearen I Want to Break Free abestia entzun daiteke.
Iranek etengabeko protestak bizi ditu irailaren 16an Mahsa Amini gaztea hil zenetik, Moralaren Poliziak atxilotu ostean islamiar beloa gaizki jantzita eramateagatik. Mobilizazio horietan, Islamiar Errepublikaren amaiera eskatzen dute.
Gazteek eta emakumeek antolatzen dituzte, batik bat, protestak. "Emakumea, bizitza, askatasuna!" bezalako leloak helarazten dizkiote Gobernuari, eta beloak erretzen dituzte, Islamiar Errepublikaren sinboloetako bat. Protesta modu pentsaezina izan da duela gutxira arte.
Era berean, pentsaezina zen gazteek erlijiosoei turbanteak kentzea. Ruhola Jomeini ayatolak 1979an fundatutako Errepublika Islamiarrarekiko gaitzespena erakusteko modu bat dira protestok.
Edonola ere, badirudi mezua ez dela oraindik Irango esfera altuetara iritsi. Izan ere, Estatu Batuak seinalatzen diraute protesten erantzule gisa, eta ez daude prest herritarren nahigabea erreala izatearen aukera onartzeko.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".